छविलाल पाण्डे बुर्तिवाङ २०७७ जेठ २२ । ढोरपाटन नगरपालिका ५ सहिखोलामा बुर्तिवाङ बजारबाट सिमेन्ट बोकेर गैरहेको बा २ क ७५३० को ट्रिपर राति ८.३० बजे दुर्घटना हुँदा चालक सहचालक सहित ५ जना घाईते भएका छन् । घाईतेहरुमा चालक सहचालक दुबैको अवस्था गम्भीर रहेको स्थानीयले बताएका छन् । ट्रिपरमा ३ जना स्थानीयहरु रहेको स्थानीय हुमराज सामकोटाले बताए ।
बोबाङ तिरबाट सुत्केरी महिलालाई लिएर बुर्तिवाङ तिर आउदै गरेको भ्यानलाई साईड दिँदा ट्रिपर दुर्घटनामा परेको हो । घाईतेहरुको बुर्तिवाङ प्राथमिक स्वास्थ्य केन्द्रमा उपचार भैरहेको छ । चालक स्याँजाको रहेको बुझिएको छ ।
