सुरेश छन्त्याल, गल्कोट २०७६ फागुन २७ । गलकोट नगरपालिका १० पाण्डबखानीमा रहेको पाण्डबखानी माध्यमिक विद्यालयमा कक्षा १० का विद्यार्थीहरुलाई शुभकामना संगै कक्षा १२ का विद्यार्थीहरुलाइ विदाई कार्यक्रम सम्पन्न भएको छ। विदाइ तथा शुभकामना आदानप्रदान कार्यक्रममा बोल्दै प्रमुख अतिथि गलकोट नगरपालिका १० पाण्डबखानीका अध्यक्ष तिलक घर्ती मगरले विद्यार्थी,शिक्षक,पेशाकर्मी जोसुकै भएपनि सबैभन्दा पहिला म का हु मैले के गरि रहेको छु, मेरो आसा के हो भन्ने सज्ञान लिएर कार्य गरेमा मात्र उज्ज्वल भविष्य निर्माण हने भन्दै विद्यार्थीहरुलाइ सफलताको शुभकामना व्यक्त गरे।
विद्यार्थी होमप्रसाद वि।क को स्वागत मन्तव्यबाट सुरु भएको कार्यक्रममा १२ का विद्यार्थी भुपाल श्रीसको सभापतित्व, विद्यालय व्यवस्थापन समितिका अध्यक्ष मानसिंह छन्त्यालको आथितियता रहेको थियोे।
कार्यक्रममा प्रध्यानापक नवीन सुनार, कक्षा १२ का सुदिक्षा श्रीस, कक्षा १० का विपिन दर्जी, बाल क्लबका अध्यक्ष मुस्कान पुनले शुभकामना मन्तव्य व्यक्त गरेका थिए भने कार्यक्रमको संचालन शिक्षिका पवित्रा दर्जीले गरेकी थिईन् ।
