बिहादी गापा एकै वडाका ७० जना नेपाली कांग्रेसमा प्रवेश

विशन क्षेत्री, पर्वत, २०७३ चैत १९ । स्थानीय तहको चुनाव नजिकिँदै जाँदा विहादी गाउँपालिकाको वडा नं. २ बर्राचौरमा नेकपा एमाले, माओवादी र नयाँशक्तिका ७० जना व्यक्तिहरु कांग्रेसमा प्रवेश गरेका हुन् ।

प्रवेश गर्नेमा प्रेम नेपाली, बाबुराम गिरी, कमल नेपाली, शिवु नेपाली, रघु नेपाली, प्रदीप क्षेत्री, सन्दिप ठकुरी, पदम गिरी, अशोक गिरी, तेजु नेपाली, कुशल नेपाली, बलबहादुर नेपाली, दिपक नेपाली, दिलिप नेपाली, पदम पुरी लगायत ७० जना रहेका छन् ।

उनीहरु विहादी गाउँपालिकाको प्रमुखको दाबेदार रहेका प्रवीण गुरुङ्गको पहलमा नेपाली कांग्रेसमा प्रवेश गरेका हुन् । विहादी गाउँपालिकाको प्रमुखमा दाबेदारी गरिरहेका गुरुङ्ग यतिबेला पार्टीको आन्तरिक तथा सांगठनिक सुदृढिकरणमा सक्रिय रहेका छन् ।

अन्य पार्टी परित्याग गरि कांग्रेसमा प्रवेश गरेकाहरुलाई नेपाल तरुण दल पर्वतका अध्यक्ष तोरण मल्ल ठकुरी (राज) ले नेपाल तारा माविमा एक कार्यक्रमका बिच खादा तथा अबिर लगाएर स्वागत गरेका थिए । कार्यक्रममा बोल्दै ठकुरीले सबै क्षेत्रका जनतालाई मिलाएर देशको निकास र विकास कांग्रेसले मात्र गर्न सक्ने बताउँदै नेपाली कांग्रेस हरेकपल जनताको साथमा रहेको बताए ।

उक्त कार्यक्रमको सञ्चालन नेपाली कांग्रेस वडा नं. ३ रानीपानीका सचिव जयलाल पौडेलले गरेका थिए ।

त्यस्तै, विहादी गाउँपालिका वडा नं. ३ रानीपामनीमा शनिबार बसेको नेपाली कांग्रेस वडा समितिले गाउँपालिका प्रमुखका रुपमा तीन जनलाई सिफारिस गरेको छ । वडा सभापति ओमप्रसाद पराजुलीको संयोजकत्वमा बसेको बैठकले गाउँपालिका प्रमुखका रुपमा हरि न्यौपाने, तिलक कुँवर र लालबहादुर कुँवरको नाम सिफारिस गरेको हो ।

फेसबुकमार्फत कमेन्ट गर्नुहोस !

Leave a Reply

Your email address will not be published.