मुस्ताङमा स्थानिय तहको चुनावको लागि एमालेको सकृयता !

केशव बि.क. मुस्ताङ २०७३ चैत १७ । स्थानिय तहको निर्वाचन नजिकिँदै गर्दा जिल्लामा कृयाशिल पार्टीको सकृयता बढ्न थालेको छ । नेकपा एमाले जिल्ला कमिटी मुस्ताङले संघीय नेपालको संरचनामा अनुसार मुस्ताङका पाँच वटै गाउँपालिकामा आफ्नो संगठन विस्तार गर्ने भएको छ । नेकपा एमाले मुस्ताङका अध्यक्ष चन्द्रमोहन गौचनको अध्यक्षतामा चैत्र १६ गते जोमसोममा बसेको पार्टीको दोस्रो पूर्ण बैठकमा संगठन विस्तार गर्ने निर्णय गरेको हो ।

पार्टीका संगठित सदस्य, कार्यकर्ता लगायतको उपस्थितिमा आगामी चैत्र २१ गते थासाङ गाउँपालिकाको कोवाङमा, चैत्र २३ गते घरपझोङ गाउँपालिकाको जोमसोममा, चैत्र २६ गते बाह्रगाउँ मुक्तिक्षेत्र गाउँपालिकाको कागबेनीमा, चैत्र ३१ गते दालोमे गाउँपालिकाको चराङमा र चैत्र ३० गते लोमान्थाङ गाउँपालिकाको लोमान्थाङमा नेकपा एमाले गाउँपालिका संगठन कमिटी गठन गरिने एमालेले जनाएको छ ।

उम्मेदवार छनोटमा केन्द्रले जारी गरेको उम्मेदवार छनोट आचार संहिता अनुसार उम्मेदवारको चयन गाउँपालिकामा गठित गाउँपालिका संगठन कमिटीले गर्नेछ । संगठन कमिटीले स्थानिय निकायमा चुनावी अभियान संचालन गर्ने बताइएको छ ।

नेकपा एमाले अध्यक्ष गौचनले मुस्ताङको पाँच वटै गाउँपालिकामा नेकपा एमालेलाई विजय गराउन पार्टी एकढिक्का भई लाग्ने बताए । नेकपा एमाले देश र जनताको पार्टी भएकाले एमालेका उम्मेदवारलाई जिताउन पार्टी सदस्य, समर्थक र शुभचिन्तक लगायत सबैलाई आग्रह गरेका छन् ।

पार्टीले आगामी २०७४ बैशाख ९ जिल्ला सदरमुकाम जोमसोममा विशेष कार्यकर्ता भेला तथा प्रशिक्षण कार्यक्रमको अयोजना गर्ने एमालेले बताएको छ ।

फेसबुकमार्फत कमेन्ट गर्नुहोस !

Leave a Reply

Your email address will not be published.