गल्कोट नगरपालिका भित्रका कृषकहरुलाई ५० प्रतिशत अनुदानमा कृषि सामाग्री प्रदान !

गुमानसिँह भण्डारी,गल्कोट २०७५ चैत २६ । गलकोट नगरपालिकाले नगरपालिका भित्रका कृषकहरुलाई ५० प्रतिशत अनुदानमा कृषि सामाग्री प्रदान गरेको छ । प्लाष्टिक टनेल, मौरिघार र बिउ राख्ने भकारी अनुदानमा प्रदान गरिएको गलकोट नगरपालिकाका नगरप्रमुख भरत शर्मा गैरेले बताए । नगरपालिका भित्रका करिब २ सय ३६ जनालाई टनेल प्रदान गरिएको छ । नगरपालिकामा २ सय २३ वटाको सिफारिस आएपनि २ सय ५० थान खरिद गरिएको थियो । बाँकी रहेका टनेल समेत सम्पर्कका आधारमा कृषकहरुलाई प्रदान गरिने नगरउपप्रमुख रेनुका काउचा मगरले बताईन् ।

उक्त टनेल गलकोट नगरपालिका १ मा ३८, २ मा २२, ३ मा ३५, ४ मा १०, ५ मा २२, ६ मा १५, ७ मा ३३, ८ मा १७, ९ मा ९, १० मा १५ र ११ मा २५ जना कृषकहरुले टनेल लगेका छन । सम्पुर्ण टनेल खरिद गर्दा ९ लाख खर्च भएको छ । जसमा एउटा टनेललाई ४ हजार ८ सय परेकोमा कृषकहरुलाई २ हजार ४ सयमा प्रदान गरिएको गलकोट नगरपालिकाका कृषि तथा पशु सेवा शाखा प्रमुख चिन्तामणि शर्माले बतए । त्यस्तै नगरभित्रका ४७ जनाले बिउ राख्ने भकारि पाएका छन । जसअन्तर्गत गलकोट नगरपालिका १ मा ५, २ मा ४, ३ मा ४, ४ मा ४, ५ मा ५, ६ मा ५, ६ मा ४, ८ मा ४ ९ मा ४, १० मा ४ र ११ मा ४ जना कृषकले भकारि पाएका हुन । ६ लाख ४० हजारमा खरिद गरिएका ४९ भकारीमा प्रति भकारी १३ हजार परेको शर्माको भनाई छ । ५० प्रतिशत अनुदान अन्तर्गत कृषकलाई ६ हजार ५ सयमा प्रदान गरिएको शर्माले बताउनुभयो । त्यस्तै नगरभित्रका १ सय २५ जना कृषकले मौरिका घार भएका छन । प्रति घार ३४ सय ५० परेकोमा कृषकलाई ५० प्रतिशत अनुदानमा १७ सय २५ मा प्रदान गरिएको नगरपालिकाका प्रवक्ता हेम बहादुर भण्डारीले बताए ।

४ लाख ५० हजारमा १ सय ३० थान मौरीका घार खरिद गरिएको थियो । त्यस्तै नगरपालिकाले नगरभित्रका ब्यवसायीक फर्म प्रवद्र्धन कार्यक्रम अन्तर्गत दुदिलाभाटीका बाख्रापालन ब्यवसायी पदम बहादुर कुबरलाई ३५ हजार अनुदान दिने बताएको छ । त्यस्तै दुदिलाभाटीकै कुखुरापालन ब्यवसायी ज्ञान बहादुर खत्रीलाई ३५ हजार, गलकोट नगरपालिका ७ का बाख्रा पालन ब्यवसायी अमर बहादुर थापालाई ३५ हजार दिने नगरपालिकाको कृषि तथा पुश सेवा शाखाले जनाएको छ ।

त्यस्तै प्राकृतिक गर्भाधान कार्यक्रम अन्तर्गत गलकोट नगरपालिका २ नरेठाटीका उमेश श्रीस र गलकोट नगरपालिका ७ का प्रेम बहादुर कार्कीलाई २०, २० हजार बराबरको बोका अनुदान दिने गलकोट नगरपालिकाले जनाएको छ ।

फेसबुकमार्फत कमेन्ट गर्नुहोस !

Leave a Reply

Your email address will not be published. Required fields are marked *