गाउँपालिकाको केन्द्र परिवर्तनको विरोध गर्दै लेते भएर आवतजावत गर्ने यातायात बन्द !

केशव बि.क. मुस्ताङ, २०७३ चैत ५ । संघीय संरचना अनुसार प्रदेश नं. ४ अन्तर्गतको हिमाली जिल्ला मुस्ताङको थासाङ गाउँपालिकाको केन्द्र परिवर्तनको विरोध गर्दै स्थानियले शनिवार विहानै देखि लेते भएर आवतजावत गर्ने यातायात बन्द गराएका छन् ।

सरकारले राजपत्रमा प्रकाशित गरेको स्थानीय तह पुनर्ससंरचना सम्वन्धी सूचनामा जिल्लामा सर्वदलीय सहमति अनुसार आयोगमा सिफारिस गरि पठाएको गाउँपालिकाको केन्द्र अदलबदल गरिएको पाईएपछी लेतेका स्थानीयवासी बिरोधमा उत्रिएका हुन् ।

थासाङ गाउँपालिकाको केन्द्र लेतेलाई सिफारिस गरी पठाएको भएतापनि राजपत्रमा लेते केन्द्र हुनुपर्नेमा साविक कोवाङ गाविसको कार्यालयलाई केन्द्र तोकिएकोले आफुहरुलाई मान्य नहुने लेते गाविसका पूर्व गाविस अध्यक्ष बुद्धिप्रसाद शेरचनले बताए । गाउँपालिकाको केन्द्र कोवाङ भन्दा लेते उपयुक्त हुने भन्दै स्थानियले जोडदार माग गर्दै आएका छन् । माग सुनुवाई नभएसम्म विरोधका कार्यक्रमहरु गर्दै जाने उनीहरुको भनाई छ ।

स्थानियले लेते केन्द्र गाउँपालिकाको लागि तोकिएको मापदण्दहरु पुरा भएको तथा कुञ्जोको पैरोथाप्ला तथा टुकुचेको मध्ये भागमा रहेकाले सबै जनतालाई पायक पर्ने र इलाका स्तरका कार्यालयहरु भएको र थप कार्यालयहरु संचालनका लागि समेत प्रशस्त जग्गा भएको भन्दै वाणीज्य मन्त्री रोमी गौचन थकाली, सांसद श्रीमाया थकाली, महेन्द्र शेरचन, जिल्ला स्थित राजनैतिक दलका प्रमुख, जिल्ला समन्वय समिति र जिल्ला प्रशासन कार्यलाई पहल गरिदिन अनुरोध गरेका छन् ।

फेसबुकमार्फत कमेन्ट गर्नुहोस !

Leave a Reply

Your email address will not be published. Required fields are marked *