यी हुन, माओवादी केन्द्र पर्वतका स्थानीय निकायका उम्मेदावार !

महेन्द्र केसी, पर्वत २०७३ चैत २ ।। नेकपा माओवादी पर्वतले स्थानीय तहको निर्वाचन आउनु दुई महिना अगावै आफ्नो उम्मेदवारी तय गरेको छ । स्थानीय तहको चुनावको लागि नेकपा माओवादी पर्वतले केन्द्रिय सदस्यहरुलाई उम्मेदवारी बनाउने घोषणा गरेको छ । सोही अनुसार जिल्लाका सात स्थानीय निकायमा केन्द्रिय सदस्यहरुलाई मैदानमा उतार्ने भएको छ जस अनुसार जलजला गाउँपालिकामा प्रमुखको रुपमा बिगतदेखि नै कृयाशिल भएर लागेका पुराना माओवादी नेता तथा जनयुद्धका घाईते बाबुराम कार्की, कुश्मा नगरपालिकामा बिद्यार्थीबाट स्थापित भएका शंकर गिरी, मोदी गाउँपालिकामा प्रधानमन्त्री कार्यालयमा रहेका मनहरी तिमिल्सीनाको चर्चा रहेता पनि मनबहादुर पौडेल दाबिको रुपमा आउने बताइएको छ ।

त्यस्तैै फलेवास नगरपालिकामा प्रेम राना, महाशिला गाउँपालिकामा दुर्गा तमु, पैयु गाउँपालिकामा जयनारायण तिवारी, र बिहादी गाउँपालिकामा जनयुद्धकाल देखि नै त्यस क्षेत्रमा स्थापित नेता कृष्ण पराजुली प्रमुखको रुपमा मैदानमा उत्रिने माओवादी विशेष स्रोतले बतायो । स्रोतका अनुसार स्थानिय निकायमा उम्मेदवारी दिनेहरुकोे लिष्ट समेत तयार भएको छ । पर्वतका नगरपालिका र गाउँपालिका गरि निर्माण भएका सात स्थानिय तहमा नेताहरुको कार्यविभाजन समेत गरी सकेको जनाएको छ ।

सोही अनुसार उनीहरुले आफ्नो क्षेत्रका एकता अभियान तथा पार्टी विस्तारलाई तिब्र बारेको र प्रचारप्रसारमा लागेको बुझिएको छ । स्थानिय निकायको निर्वाचनमा आकांक्षीहरु धेरै भएपनि जित्न सक्ने अनुहारको खोजी यो बेला माओवादी केन्द्रमा तिब्र गतिमा भएको भन्दै एक नेताले भने हामीले लगभग धेरै कुरा मिलाई सकेका छौं अब मनोनयन गर्न मात्रै बाकीँ हो भन्दै उनले थपे ।

त्यस्तै अर्का माओवादी नेता भन्छन् लगभग उहाँहरु नै स्थानिय निकायको निर्वाचनमा माओवादीको रथ हाक्ने नेताहरु हो । अरु केहि पनि आकांक्षी हुनुहुन्छ उहाँहरुलाई पार्टीले अन्यकाममा संवोधन गर्ने बताए । जस अनुसार माओवादीले कुन कुन गाउँपालिकामा चुनाव जित्नसक्छ भन्ने बारे पनि लामै बहस भएको छ । त्यसमा केहि गाउँपालिकामा माओवादीको बहुमत हुने भताएको छ । विशेष शुत्र अनुसार जलजला गाउँपालिका, बिहादी गाउँपालिका र पैयु गाउँपालिकामा माओवादीको ब्रचश्य रहेको बुझिएको छ ।

फेसबुकमार्फत कमेन्ट गर्नुहोस !

Leave a Reply

Your email address will not be published. Required fields are marked *