रिडीको तिनमुखे पुल निर्माणमा खै नेताको ध्यान पुगेको ?

प्रेम सुनार गुल्मी,२०७५ असोज ३ । प्रशिद्ध धार्मिक क्षेत्र रिडीमा तिन जिल्ला जोड्ने गरी निर्माण सुरु गरिएको चार बर्ष बित्दा पनि ५ प्रतिशत पनि काम नभई अलपत्र परेको छ । तत्कालिन सांसद तथा नेपाली कांग्रेस नेता चन्द्र भण्डारी र तत्कालिन मुख्य सचिव लिलामणी पौड्याललेृ २०७१ मंसिर १५ गते संयुक्त रुपमा शिलान्यास गरेका थिए ।

सो पुल २०७४ असार ९ गते निर्माण सम्पन्न भई हस्तान्तरण हुने सम्झौता भएको थियो । शिलान्यास समारोहमा नेता भण्डारीले तिन बर्ष मै सक्ने उद्घोष गरेका थिए । तर अहिले ठेक्का सम्झौता सकिएको १ बर्ष वितिसक्दा पनि पुलको काम एकरती अगाडी बढ्न नसेके पछि स्याङ्गजा पाल्पा र गुल्मीबासी निरास भएका छन ।

पुलको मुख्य पिलरको केही भाग खेृलाबाट उठाउँदै दुईचार जना कामदारले काम गरिनै रहेको झारा टार्ने मात्रै गरिएको छ । याता पाल्पा, गुल्मी र स्याङ्जाका तीनतिरबाट १ सय ७७ दशमलव ४ मिटर लम्वाईको तिनमुखे झोलुङ्गे पुल निर्माण गर्ने र मध्य भागमा तीनवटै पुललाई जोड्ने ४२ मिटर अग्लो पिलर बनाउने सम्झौता भएकोृ थियो ।

स्थानीय पूर्वाधार बिकास तथा कृषि सडक बिभाग (डोलिडार ) ले निर्माणका लागि ९ करोड ८८ लाख २६ हजार ३ सय ३२ लागतमा तीनवटा कम्पनीलाई ठेक्का प्रदान गरेको थियो ।नयाँबाटो, रुबिना र मना जेबीले निर्माणको जिम्मा पाएको थियो । शिलान्यासमा आएको त्यसका निर्माण ब्यवसायीले अहिले सम्म मुख देखाएका छैनन ।

नमूना पुलले नेपालको धार्मिक पर्यटकीय क्षेत्र रहेको गुल्मी जिल्लाको रुरु गाँउपालिका, पाल्पाको रुरु धाम, स्याङ्गजाको कारीकोट जोड्ने छ ।स्थानीयवासीले अहिलेसम्म भएका काम पनि गुणस्तीय नभएको आरोप लगाएका छन् । निर्माण सामाग्रीको प्रयोगमा ठेकेदार कम्पनीले कम गुणस्तरको प्रयोग गरेको आरोप स्थानीयको छ ।नेपालको हकमा यो पुल नयाँ प्रयोग भएकाले नक्सा तयारीमै ढिलाई भएको ठेकेदार कम्पनी नयाँबाटो ( रुबिना ) मना जेबिका प्रमुख महेन्द्र अधिकारीले बताए । पुल सम्पन्न गर्नुपर्ने समय अबधी सकिन लागे पनि नक्सामै एकवर्ष लाग्दा ढिला भएको अधिकारीको भनाई छ ।

‘सुरुमै नक्साको काममै अड्कियो त्यसपछी नाकाबन्दी भयो’, उनले भने ‘नयाँ काम भएकोले पनि काम गर्नेहरुको लागी नौलो लाग्दा ढिलाई भइरहेको छ ।’नयाँ काम भएकाले सामानदेखि काम गर्ने जनशक्ति पाउन मुस्किल परेको ठेकेदार कम्पनीको दावी छ । अधिकारीका अनुसार हाल सम्म प्रतिशतका हिसावले देखिने काम नभए पनि महत्वपूर्ण काम भइरहेको बताए ।

गुल्मीको रुरु गाउँपालिका वडा नम्बर १ का वडा अध्यक्ष रामलाल बिश्वकर्मा , स्याङ्जा कालिगण्डकी गाउँपालिका वडा नम्बर १ वडा अध्यक्ष सोभिलाल चौतारेले पुल लापरबाही भएको बताए ।उनिहरुले माथील्लो निकायको चासो नदिएर ठेकेदार थप ढिला सुस्तीमा लागेको बताउँ छन । रुरु गाउँपालिका प्रमुख निलकण्ठ गौतमले पटक पटक आफुहरु मन्त्रालयमा पुगेर घचघचाउँदा पनि सुनुवाई हुन नसकेको दुखेसो गर्छन ।

ढिलाई हुनुमा यस अघि कांग्रेस नेता तथा तत्कालिन सांसद चन्द्र भण्डारीलाई दोषारोपण पनि गरियो । तर अहिले त्यसै क्षेत्रका संघिय सांसद प्रदिपकुमार ज्ञवाली मन्त्री समेत हुनु भएको छ । मन्त्री ज्ञवालीको ध्यान जान नसकेको हो कि ? भन्ने प्रश्नमा मन्त्रीका स्वकिय सचिव जंग नेपाली भन्छन –‘ उहाँको ध्यान नगएको होईन , ठेकेदार बेपत्ता भए पछि काम अगाडी बढ्न नसकेको हो । पहिला छुट्टाएकै रकम बराबरको काम नभए पछि अर्को रकम विनियोजन गर्न नमिलेको हो ।

अब हामी उनै ठेकेदारलाई सम्पर्कमा ल्याई बाँकी काम र रकम विनियोजनबारे सोच्ने छौ । नक्सा पास गरेर मात्र कुनै पनि भौतिक संरचनाको शिलन्यास हुन्छ । तर त्यति बेला नक्सा पास नै नगरी हतारमा शिलान्यास गरियो । गजवको कुरा शिलान्यास गरेको एक बर्ष पछि मात्र नक्साको काम सुरु भएको थियो ।

Attachments area

फेसबुकमार्फत कमेन्ट गर्नुहोस !

Leave a Reply

Your email address will not be published. Required fields are marked *