सदरमुकाम तम्घासको बन्द कोठामा मलेपः विल कै भरमा होला परदर्शिता ?

प्रेम सुनार गुल्मी २०७५ भदौ १४। यति बेला गुल्मी जिल्लाको सदरमुकामको एक बन्द कोठामा जिल्ला भर तोकिएका स्थानिय तहको लोखा परिक्षण ।९ मलेप ० गर्न भ्याई नभ्याई छ, केन्द्रबाट आएको मलेपको टोलीलाई । सदरमुकाम तम्घास स्थित जिल्ला प्रविधिक कार्यालयको एक कोठा भित्र केहि स्थानीय तहको लेखा परिक्षण सकिएको छ भने अरु थुप्रै स्थानितहको गर्न बाँकी छ । गाउँ गाउँबाट स्थानिय तहले हिसाव किताव मिलाएर श्रेस्ता कुम्लो पार्दै पठाउँदै छन् ।

जिल्लाका २ नगर र १० गाउँपालिकामा महालेखा परिक्षकको कार्यालयका निर्देशक बल बहादुर कार्की र दिव्य दर्शन अधिकारीको दुई टोलीले मलेप गरेको छ । कार्कीको टोलीले सदरमुकाममा बाटै मलेप गरेको हो । कार्कीको टोलीले रेसुंगा नगरपालिका, मालिका, मदाने, धुर्कोट, सत्यवति र रुरु गाउँपालिकामा मलेप गर्दैछ । अर्को टोलीले मुसिकोट नगरपालिका, गुल्मी दरवार, छत्रकोट, इस्मा, चन्द्रकोट र कालीगण्डकी गाउँपालिकामा मलेप गर्दैछ । निर्देशक अधिकारीले आफुहरु गाउँमै जाने भनेर आए पनि दुर्गम र बर्षयाको कारण सदरमुकामै मलेप गर्न थालेको बताए ।

आफुहरुले गर्ने जिम्मा पाएका स्थानीय तह मध्ये रुरु र धुर्कोट बाहेक अरुलाई सदरमुकाममै बोलाएको अधिकारीले बताए ।त्यस मध्येका अर्का टोलीका निर्देशक कार्कीले छत्रकोट गाउँपालिका सकेर अहिले गुल्मी दरवार गाउँपालिकाको मलेप गरिरहेको छ । निर्देशक कार्कीले मलेप सम्बन्धित कार्यालयमै गएर गर्नुपर्ने स्विकार गर्छन् । कार्कीले कुनै ठुलो समस्या परे मात्रै समन्वय गरेर सदरमुकाममा गर्न सक्ने भएपनि कार्यालयलाई फाइल बोकेर आउन मुस्किल पर्ने बताए । ‘अहिले दुई स्थानीय तहको काम गरिरहेका छौ, सकेसम्म गाउँ पुगौ भन्ने हो,’ उनले भने,‘ समस्या परे सदरमुकाम बोलाउँछौ ।’

खरिद गरिएको समाग्री छन कि छैनन ?

खरका छानारहित पालिका बनाउने अभियानका क्रममा हरेक स्थानिय तहमा गत बर्ष करोडौंको जस्तापाता खरिद गरियो । लाखौ मुल्यका फर्निचर खरिद गरियो । करोडौको भौतिक पुर्वधारमा रकम विनियोजन भयो । केहि गाउँपालिकाहरुले मोटर साईकलहरु किने । कार्यालय सञ्चालनका लागि अन्य थुपै्र सामग्रीहरु पनि खरिद भयो । ती सामग्री मलेपलाई प्राप्त बिल अनुसार त्यति कै छन कि छैनन । सोही अनुरुपको बिकास निर्माण भयो कि भएन रु स्थलगत अवलोकनबाट प्रमाणित नगरी विल कै भरमा मलेप पास गराउँदा कमिशन र भ्रष्टचारले मल जल पाउला कि नपाउँला रु
आखिर विल मात्रैले चल्ने भए समान गरिद गर्न किन पो पयो रु त्यसरी स्थानिय तह मै नपुगी गरिएका मलेपहरु औपचारिक प्रकृया मात्र भई झारा टराई त होईन रु यस्ता सवाल सर्वसाधरणले उठाए पछि हामीले प्रमुख जिल्ला अधिकारी यदुनाथ पौड्यालको ध्यानकृष्ट गराएका थियौं ।
यो कुरा जायज होः सिडियो
पौड्याल पनि स्थानिय तह मै पुग्न सके बास्तविकता आउनेमा घुमाउरो पाराले जोड दिन्छन । उनि भन्छन–‘ यो विषय तपाईहरुले उठाउँदा गुल्मेली जनता निकै सचेत हुनुहुन्छ भन्ने लागेर खुशी लाग्यो । यो कुरा जायज हो । जिल्ला प्रशासन कै समन्वयमा उहाँहरुले मलेप गर्दै हुनुन्छ । हामीले उहाँहरु संग थप समन्वय गरेर त्यस्ता बिषयमा ध्यानकृष्ट गराउने छौं । ’

स्थानिय तहमै आउन जनप्रतिनिधीहरुको आग्रह

रेसुङ्गा नगरपालिकाका मेयर डिल्लीराज भुसाल भन्छन उहाँहरु सम्वन्धित स्थानमा पुगेमा धेरै राम्रो हुने थियो । कतै कमजोरी पनि हुन सक्छ । धुर्कोटक गाउँपालिका प्रमुख भुपाल पोखरेल उहाँहरु गाउँपालिका मै आएर हेरी दिन आफुले चाहेको बताए ।

उनले भने–‘ उहाँहरुको पनि आफ्नै विधी , प्रकृया र बाध्यता पनि होलान । यद्यमी हाम्रो आग्रह हो । ’ अन्य पालिकाका जनप्रतिनिधीहरु पनि उहाँहरु आई दिए धेरै राम्रो हुने बताउँ छन । उक्त टोलीमा पाँच पाँच जना रहेका छन । साउन २७ देखि आएका उनिहरुले ३५ भित्रमा मलेप गरी सक्नु पर्ने बताईन्छ ।

फेसबुकमार्फत कमेन्ट गर्नुहोस !

Leave a Reply

Your email address will not be published. Required fields are marked *