धुर्कोटबाट सुरु गाई भैसीलाई सुत्केरी भत्ता अब देशैभर

प्रेम सुनार, गुल्मी २०७५ साउन १० । केहि दिन अघि पहिलो पटक यस ईबागलुङ डटकमले अब पशुलाई पनि सुत्करी भत्ता शिर्षकको समाचार सम्प्रेषण गरेको थियो । गुल्मीको धुर्कोट गाउँपालिकाले तेश्रो गाउँ सभामा घोषणा गरेको पशुलाई सुत्केरी भत्ताको त्यस समाचारलाई धेरैले सकरात्मक सन्देशका रुपमा लिएर शिरोधार्य गरेको पाईएको छ ।
अहिले देशका विभिन्न स्थानिय तहले कतै सुत्केरी गाई त कतै सुत्केरी भैसीलाई भत्ता दिने धमाधम घोषणा गर्दै गएको समाचारले त्यसको पुष्टि गरेको छ । धुर्कोट गाउँपालिका प्रमुख भुपाल पोखरेल भन्छन –‘ सुरुमा हामीलाई खिस्साए, ‘कहि नभएको हाँडी जात्रा हाँडी गाउँमा..’ भन्ने जस्ता खानेखुशी पनि गरेको भन्ने कुरा सुनियो ।
आखिर हामीले गरेको घोषणा सहि रहेछ र त अहिले देशैभरका विभिन्न् स्थानिय तहले पशुलाई सुत्केरी भत्ताको धमाधम घोषणा गर्दैछन । ’ स्मरण रहोस गाउँपालिका स्तरको स्थानिय तहमा पहिलो पटक प्रेस संयोजक नियुक्ति गर्ने, खरका छाना रहित घर घोषणा गर्ने र वर्षऔं देखि दासका रुपमा कजाईएका कटुवालहरुलाई पहिलो पटक तलव निर्धारण गर्नेृ धुर्कोट गाउँपालिका पहिलो स्थानिय सरकार हो । उसले कृषकलाई समेत अनुदान र पुरस्कारको ब्यवस्था गरेको छ ।

फेसबुकमार्फत कमेन्ट गर्नुहोस !

Leave a Reply

Your email address will not be published. Required fields are marked *