संविधान संशोधन, प्रक्रियाबाट टुङ्गाउन एमाले सहमत भएको नेता बादलको दावी !

कृष्ण कँडेल, बागलुङ २०७३ फागुन १५ । नेकपा माओवादी केन्द्रका बरिष्ठ नेता रामबहादुर थापा बादलले संविधान संशोधन प्रक्रियामा गएर छलफल समेत सुरु भईसकेको अबस्थामा अब छिट्टै टुङ्गोमा पुग्ने बताएका छन् ।

बागलुङको बुर्तिबाङमा प्रेस सेन्टर नेपाल बुर्तिबाङले गरेको पत्रकार भेटघाट कार्यक्रममा नेता बदलले प्रस्ताव दर्ता नै हुन दिँदैनौँ, छलफलमै लैजान हुँदैन भन्ने अडान राख्दै आएको विपक्षी एमालेको समेत सहयोगमा सदनमा छलफल सुरु भएकाले फागुन १९ गते बस्ने संसद् बैठकबाट प्रक्रिया थप अघि बढ्ने बताए ।

उनले भने, ‘एमालेले पनि निर्वाचन सफल पार्नका लागि हुने प्रयासमा हामी बाधक बन्दैनौँ भन्दै आएको अबस्थामा स्थानिय तहको निर्वाचन सरकारले घोषणा गरिसकेको छ, हामीलाई विश्वास छ मधेसको समस्या न्युनतम सम्बोधन गरेर निर्वाचनमा जान एमाले सहमत हुन्छ ।’

नेता वादलले संविधान संशोधन प्रक्रियाबाट टुङ्गाउन एमाले सहमत भएको दावी समेत गरे । मधेसी मोर्चाले अहिलेको संसोधनमा परिमार्जन नभए चुनाबमा नजाने अडान र एमालेले कुनै हालतमा पास हुन नदिने अडान लिँदा समस्या भएको भन्दै दुवैलाई मान्य हुने विचको बाटो खोज्ने तर्फ छलफल भईरहेको उनको भनाई छ ।

उनले संघिय आयोग बनाएर सिमाङ्कनको समस्या समाधान गर्ने कुरामा मोर्चा र एमालेपनि सैद्धान्तिक रुपमा सहमत भएको भन्दै अहिलेलाई निर्वाचनमा जाने गरि केहि कुरा सम्बोधन गर्ने र निर्वाचन पछि बन्ने आयोगबाट टुङ्गाउन सकिने बताए ।

मोर्चाले चुनाव अघि नै सिमाङ्कन टुङग्याउनुपर्ने अडान राखेको भन्दै संविधान कार्यान्वयनका लागि जुनसुकै मुल्यमा निर्वाचन गर्नुपर्ने बाध्यता भएकाले तत्तकाल त्यो व्यवहारिक नदेखिएकाले चुनाबपछि आयोग बनाएर समाधान खोज्ने विकल्प नै उपयुक्त हुने उल्लेख गरे ।

कार्यक्रम प्रेस सेन्टर नेपाल बुर्तिबाङ इकाईका सल्लाहकार संयोजक चन्द्र अर्यालको अध्यक्षता र संयोजक कृष्ण कँडेलको सञ्चलनमा सम्पन्न भएको थियो ।

फेसबुकमार्फत कमेन्ट गर्नुहोस !

Leave a Reply

Your email address will not be published. Required fields are marked *