गुल्मी कांग्रेसको ५० दिने महाअभियनः सेती कामीबाट उद्घाटन, रामशरण महतबाट समापन !

प्रेम सुनार, गुल्मी २०७५ जेठ २१ । गुल्मी कांग्रेसले नयाँ बर्ष बैशाख १ गतेबाट सुरु गरेको ‘ नेपाली कांग्रेस गुल्मीको अभियान , गाउँ मै जाउँ गाउँ मै रमाऔं ’ ५० दिने महाअभियान आफैमा ऐतिहाँसिक बन्न पुगेको छ । रेसुङ्गा नगरपालिका वडा नम्वर २ की सर्वसाधरण ८१ व्र्षिया बृद्धा सेती कामीबाट हातबाट उद्घाटन भएको महाअभियान कांग्रेस प्रभावशाली नेता तथा पुर्व अर्थमन्त्री रामशरण महतबाट समापन भएको छ ।

आज पत्रकार सम्मेलन गरी गुल्मी कांग्रेस यो महाअभियान सुतेकाहरुलाई जगाउने काम मात्रै भएको र अव हिडाउने अभियानको थालनी गर्ने प्रतिकृया दिएको छ । हामी कांग्रेसजनहरु गाउँका गरिव दलित लगायतका पछाडी परेका वर्ग समुदाय संग टाढिएकै रहेछौं भन्ने महशुस गरियो कांग्रेस सभापति भुवनप्रसाद श्रेष्ठले भने कांग्रेस आज सम्म यसरी निदाएर हुन्छ ? यो अभियान सुतेका हामी कांग्रेसजनलाई जगाउने महाअभियान मात्रै बनेको छ अव हिडाएर चलायमान बनाउने अर्को अभियान छेड्दै छौ अव हामी सुतेर कदापी बस्ने छैनौं ।

केहि विपक्षी मित्रहरुले दलित गरिवको घरमा एक दिन खाएर बसेर हुन्छ ? भनेर आलोचना गर्नु भयो र केहि विपक्षीहरुले हाम्रो अभियाानलाई महत्वका साथ लिएर चासो पनि लिनु पनि भयो समग्रमा यस महाअभियान हामीले सोचे जस्तै प्रभावकारी भएको हाम्रो ठम्याई छ श्रेष्ठले पनि यस अभियानलाई साथ दिनु हुने सर्वसाधरण देखि यहाँका सञ्चारर्कीहरु प्रति हाम्रो पार्टी आभार प्रकट गर्दछ ।
त्यस्तै कांग्रेस सचिव खिलध्वज पन्थीले यो महाअभियान आफैमा चुनौती पुर्ण भए पनि त्यो चुनौतीलाई पार गरिएको प्रतिकृया दिए । उनले भने–‘अझै पनि पाका कांग्रेसजनहरु रुढीवादी सोचले ग्रस्त भई रहेको बेला दलितका घरमा उनिहरुलाई पसालेर खुवाउनु र ति दलितहरुलाई उनिहरुको घरमा पसालेर सहभोज गराउने कम चुनौतीपुर्ण थिएन । त्यस्तै अहिले सम्म वर्जित गरिएका मन्दिरहरुमा दलितहरुलाई पसालेर सामुहि पुजा गराउनु पनि थप चुनौतीपुर्ण यियो । त्यसलाई चिर्न हामी सफल भएका छौं ।’

उनले जातिपातीको विभेद गर्ने र गरिवहरुको उत्थानमा नलाग्ने ब्यक्ति अव कांग्रेस हुनै नसक्ने चेतावानी समेत दिए । कार्यक्रममा अर्की जिल्ला सचिव विष्णुकुमारी सापकोटा , महिला विभाग प्रमुख अमृतादेवि कुँवर र अन्य जिल्ला नेताहरुले ५० दिने महाअभियानको अनुभव र अनुभुती साटासाट गरेका थिए । यस अवधीमा कांग्रेसले पोखरी संरक्षण , चौपारी निमार्ण र सरसफाई लगायतका समाजिक कार्य पनि गरेको थिए ।

प्रत्यक्ष गरिवहरुको घरमा बसेर उनिहरुको गरिवीको कारण र निराकरणको समिक्षा गर्ने , छुवाछुछत र लैङ्गिक विभेदको व्यवहारिक रुपमै अन्त्य गर्ने , समाजमा रहेका मानवता विरोधी पर्थाहरु, विकृति विसंगतिहरुको अन्त्य गर्ने साथै अनियमित्ता भ्रष्टचारको निर्मुल गर्नु यस महाअभियानको मुख्य उद्देश्य रहेको थियो । यस अभियानलाई उच्च महत्व दिई कांग्रेस प्रभावशाली नेता गोमालमान श्रेष्ठ, गगन थापा र चन्द्र भण्डारी समेत गुल्मी आएर अभियानमा सहभागि भई गरिव दलित कै घरमा बसेर अभियान्त बनेका थिए ।

दलित गरिवको घरमा बसेर कांग्रेस नेताहरुले राजनीति गर्न सुरु गरेपछि यस अघि सम्म सदरमुकामका सभ्रान्त परिवारको आलिशान महलमा बास बस्ने अन्य दलका नेताहरुलाई अव त्यस्ता परिवारमा बस्न भने अलि अफ्ठ्यारो लाग्ने हो कि ?

फेसबुकमार्फत कमेन्ट गर्नुहोस !

Leave a Reply

Your email address will not be published. Required fields are marked *