माओवादी केन्द्रको पहलमा पर्वतको लागि अर्थ मन्त्रालयबाट ५ करोडको योजना स्वीकृत !

महेन्द्र केसी पर्वत २०७३ फागुन ११ । नेकपा माओवादी केन्द्र पर्वतको पहलमा पर्वतको विकासको लागि अर्थ मन्त्रालयबाट ५ करोड बराबरका २२ वटा योजनाहरु योजनाहरु अर्थमन्त्रालयबाट स्वीकृत भएका छन् ।

माओवादी केन्द्रका पोलिटव्यूरो सदस्य एवं पूर्व सांसद राजकाजी गुरुङ ,पोलिटव्यूरो सदस्य नेत्र अधिकार लगायत केन्द्रिय तथा जिल्ला नेताहरुको सक्रियता एवं माओवादी केन्द्रको केन्द्रिय कार्यालयको पहलमा उक्त योजनाहरु स्वीकृत भएको माओावादी केन्द्र पर्वतले जनाएको छ ।

स्वीकृत भएका योजनाहरु मध्ये डुम्रे भन्ज्याङ्ग बानिडाँडा गुरुङ गाउ सडक निर्माणको लागि ४० लाख विनियोजन भएको छ । यो स्वीकृत भएका योजनामध्येको सवैभन्दा ठूलो योजना हो । त्यस्तै धाइरिङ मिलन्चोक घाहाखेत सडक. निर्माणको लागि ३० लाख, कृष्ण भबन माबीको भवन निर्माण तथा कम्पाउण्ड निर्माण.२५ लाख, बेनि मल्लाज दरबारबाट काजिन्ने गुफा देविस्थान गदेश्वर फलामेडाँडा नागिडाँडा सडक खण्ड २५ लाख, अम्बेट भुम सडक निर्माण २० लाख, मुनस्टार खेलकुद मैदान निर्माण १५ लाख रहेको छ । त्यस्तै स्वीकृत योजनाहरुमा गल्छीना धर्मापानी पोखे पैयूँकोट सडक हुवासका लागि २० लाख, वहाकी भञ्जाङ्ग देउराली रिपबारी अमरा गैरा सेतीबेनी सडकखण्ड निर्माण २५ लाख, उरामकोकथरे बाह्रबिसे शिवपुरी धाम चिउरिखाल्टा गेप्ताङ सडक रु १५ लाख, दुर्लाङ खेलकुद मैदान निर्माण बाच्छा रु २५ लाख, धौलागिरी स्तरीय खेलकुद मैदान पाङ २ कालागि २० लाख , शारदा उमाविको आठ कोठे भवन निर्माणका लागि २० लाख, महाशिला बहुमुखी क्याम्पस २५ लाख, विकास राष्ट्र एकिकृत पशुपालन तथा कृषि सहकारी संस्था २० लाख रहेको छ । अन्य स्वीकृत हुने योजनाहरु मध्ये मदन आश्रित मावि कम्पाउण्ड तथा भवनका लागि २० लाख, भास्तुङ रिठावट बाझगरा सिंचाइ बर्राचौर रु १५ लाख, नाङ्गेसिङ पहिरो.२० लाख, बैडा बगालथोक काउले पञ्चासे बाटो २० लाख, शहिद स्मृति भवन कुनपा ९का लागि ३० लाख, वहाकी हेपो डाडाबारी आरुपाटा तिलिङ्गेडाडा( भयरथान) नेता मावि तिलाहार जिम्मुवालथर तिप्लुङ बर्राचौर सडक रु रु ३० लाख, हुवास बहुमुखी क्याम्पस २५ लाख र जनता प्राबी.१५ लाख गरी कुल ५ करोड बराबरको कार्यक्रम तथा योजनाहरु स्वीकृत भएको छ । अर्थ मन्त्रालयबाट स्वीकृत भएका योजनाहरु अब चाडैनै संचालन हुने माओवादी केन्द्रले जनाएको छ । ५ करोड बराबरका योजनाहरु अर्थ मन्त्रालयबाट स्वीकृत भएपछि माओवादी केन्द्र पर्वतले त्यसलाई सवै दलहरु मिलेर सम्पन्न गर्नको लागि सहयोग गर्नुपर्नेमा जोड दिएको छ ।

फेसबुकमार्फत कमेन्ट गर्नुहोस !

Leave a Reply

Your email address will not be published.