मुटु अस्पताल बटुवलद्धारा गुल्मीका सयौंको निशुल्क उपचार

प्रेम सुनार, गुल्मी, २०७५ जेठ ६ । हृदय रोग निवारण प्रतिष्ठान गुल्मी शाखाको आजोजनामा मुटु रोग सामुदायिक अस्पताल वुटवलको टोलीद्धारा गुल्मीका झण्डै १५ सय जना मुटुका विमारीहरुको निशुल्क उपचार गरेको छ । गुल्मीको सदरमुकाम तम्घासको महेन्द्र माध्यामिक विद्यालयको प्राङ्गालमा आजोजित निशुल्क स्वास्थ्य शिविरको आयोजना गरे डाक्टर सहित त्यस अस्पतालका ६० जनाको स्वास्थ्यकर्मी टोलीले १३ सय ३४ जनाको मुटु रोग परिक्षण संगै आवस्यक औषधी समेत गरेका छन् ।

ती मध्य ८ सय जना महिला र ५३४ जना पुरुष थिए । ५ सय ७६ जनाले ईसीजी परिक्षण गरेका थिए भने २ सय ५३ जनाले ईको परिक्षण गरेका थिए । शिविरमा छाती सम्वन्धि एफपी परिक्षण सेवा ४५ जनाले लिएका थिए । ३ सय २७ जनाले ल्याव टेष्ट गरेका थिए भने ११ सय ७६ जनाले सुगर परिक्षण गराएका थिए । त्यस अस्पतालका वरिष्ठ मुटु रोग विशेषज्ञ डाक्टरहरु समिर गौतम, विशाल केसी, अनिष हिराचन , छाती रोग विशेषज्ञ डाक्टर रमेश राना, मृगौला रोग विशेषज्ञ डाक्टर रजत काश्यथा , मेडिकल डाक्टरहरु जगनाथ यादव , सुशिल आर्याल, वलिष्ठप्रसाद यादव , रवि भण्डारी र आशिष रेग्मी लगायत निशुल्क स्वास्थ्य शिविरमा खटिएका थिए । डाक्टर समिर गौतमले केहि वालवालिका र युवाहरुमा भुटुको भ्वल्भमा प्वाल परेको बताएका छन् ।

सो अस्पतालका अध्यक्ष अजाज आलमले आर्थिक अभावका कारण कुनै पनि नागरिक उपचारबाट बञ्चित हुन नदिने प्रत्याभुति दिने उद्घोष गरेका थिए । शिविरमा नेशनल हेल्थ केयर सेन्टरले ५ लाख मुल्य बरावरको औषधी निशुल्क शौज्यन्य गराएको नेपाल हृदय रोग निवारण प्रतिष्ठान गुल्मीका अध्यक्ष अखिलेश्वरप्रसाद पाण्डेले जानकारी दिए । शिविरको समापन गर्दै ५ नम्वर प्रदेशका सासद खड्ग केसी र अर्का सांसद दिनेश पन्थीले मुटु अस्पताल वुटवल र अन्य सहयोगी संस्थालाई धन्यवाद दिदै आफुहरुले स्वास्थ्य क्षेत्रमा विशेष ध्यान दिने बताएका थिए । स्वास्थ्य शिविरमा यहाँका सवै सुरक्षा निकाय , स्वास्थ्य क्षेत्र , विद्यालय र अन्य विभिन्न संग संस्थाले स्वयम सेवीको भुमिका निभएका थिए ।

सहआयोजकका रुपमा रेसुङ्गा नगरपालिका र गुल्मी उद्योग वाणिज्य संघ रहेको थियो । आयोजक संस्थाका अध्यक्ष पाण्डेको अध्यक्षतामा सम्पन्न शिविरमा शिविर ब्यवस्थापन उप समितिका संयोजक शेरबहादुर थापाले धन्यबाद मन्तव्य राखेका थिए भने सचिव तारा उद्योग बाणिज्य संघका महासचिव तारा भुसालको सञ्चालन रहेको थियो ।

फेसबुकमार्फत कमेन्ट गर्नुहोस !

Leave a Reply

Your email address will not be published. Required fields are marked *