यो कस्तो बिडम्बना ? गगन थापाको भोजन दलितको चुलोमा, ईश्वरी परियारको घरको दलानमा … !

प्रेम सुनार, गुल्मी २०७५ बैशाख २२ । नेपाली कांग्रेस गुल्मीले बैशाख १ गते देखि सुरु गरेको ५० दिने महाअभियानलाई हामीले सुरु देखि पछ्याई रहेका छौं । विशेष गरी अभियानका क्रममा सो पार्टीले सुरु गरेको चुनौती पुर्ण कार्य दलितको घरमा जे छ त्यही खाँदै अभियान सञ्चालन गर्ने नीतिलाई हामी बढी पछ्याई रहेका हौं ।

यहाँका नेता कार्यकर्ता देखि केन्द्रिय सदस्य एवं पुर्व स्वास्थ्य मन्त्री गगन थापाले समेत गुल्मी आएर दलितको चुलो भित्र बसेर खान खाए । त्यसै झुपडीमा काठमाडौंमा भन्दा बढी मिठो निद्रा आफुलाई लागेको अभिव्यक्ति समेत दिए ।

तर सोही पार्टीबाट जिल्ला प्रतिनिधीका रुपमा गाउँ खटिएका दलित समुदायका नेताहरु भने अहिले सम्म कुनै एक जना व्राम्हण, क्षेत्रको घर भित्र पसेर खान खाएको पाईएको छैन,। जिल्ला कमिटी सदस्य झविन्द्र सुनारलाई वलिथुमको बोटेमाझी गाउँमा खटाईयो , उनले त्यस समुदाय संग घुलमिल गरेर खाना खाएको बताउँछन् ।

मकै छर्ने मेलोमा जोतेर समेत उनले त्यस समुदायलाई सघाएको र त्यहाँका बोटेमाझीहरुलाई सरकारले बनाउने भनेको जनता आवास कार्यक्रमको घर बनाउने भनेर पुराना घरहरु भत्काईएको र घर बनाउने कार्य अगाडी नबढे पछि उनिहरु कष्टकर वसाई बसेको जानकारी दिए ।

त्यस्तै नेपाल दलित संघका जिल्ला अध्यक्ष लुमबहादुर सुनार ( मन्त्री ं) गुल्मी दरवार गाउँपालिका वडा नम्वर ५ अमरअर्वाथोक खटिए पनि कहाँ बस्ने भन्ने टुङ्गो अहिले सम्म नलागेको बताउँ छन् ।

आते–जाते गरेको छु ’–उनले भने–‘ कहाँ बस्ने विषयमा छलफल हुँदैछ ।’ तपाई बिश्वकर्मा अरु व्राम्हण क्षेत्रीहरु तपाईको घर भित्र पसेर खान खाए भने तपाई परियार जातीको घर भित्र पसरे खान हिम्मत गर्नु हुन्छ ? भन्ने प्रश्नमा उनले भने–‘ मैले त पहिलै देखि मेरो घरमा परियार जातिलाई भित्रै स–सम्मान राखेर खुवाउँदै छु उहाँहरुको घरमा नपस्ने त कुरै भएन् । ’

सो पार्टीका महाधिवेशन प्रतिनिधी ईश्वरी परियार रुरु गाउँपालिका वडा नम्वर ४ वम्घाको वोटे माझी गाउँमा खटिएका छन् । कहाँ बस्नु भएको छ ? भन्ने प्रश्नमा उनले भने हेमत्यागी भण्डारीको घरमा बसेको जवाफ दिए । भित्र कि वाहिर वसेर खाना खानु भएको छ ? भन्ने प्रश्नमा उनले भने–‘हेमत्यागी जी पनि वाहिरै आउनु हुन्छ र वाहिरै बसेर खाईएको छ । ’

जिल्लाका क्रियाशील पत्रकार समेत रहेका हेमत्यागीसंग तपाई जस्तो ब्यक्तिले ईश्वरी जीलाई भित्रै लगेर खुवाउने हिम्मत गर्नु भएन ? भन्ने प्रश्नमा उनले हाँस्दै भने–‘ भित्र धुँवा हुने भएकोले वाहिर संगै बसेर खाईएको छ, अरु त्यस्तो केहि होईन् । ’

उता धुर्कोट– ७ को वाग्लामा नेता गगन थापा संगै पुगेका ईश्वरी परियार नेता विष्ट बस्ने बिश्वकर्मा नवसी अन्यत्रै बसेका थिए । सायद सीमित ब्यक्तिलाई खान बस्नको ब्यवस्था गरिएकोले होला संगै पुगेका महासमिति सदस्य एवंं पुर्व जिल्ला सभापति चन्द्र केसी पनि अन्यत्रै बसेका थिए ।

व्राम्हण क्षेत्री कांग्रेसजनहरु धमाधम दलितका घर भित्रै बस्दै खाँदै गरेको खवरले देशैभर चर्चा र प्रशंसा पाई रहँदा ईश्वरी परियार जस्ता दलित नेताहरु बाहिरै बसेर खाँदा नेता गगन थापा जस्ताको मानसिकता र हाम्रो समाजका अगुवाहरुको मानसिकता आकाश जमिनको फरक रहेको स्पष्ट हुन्छ ।
एकछिन सोचमग्न हुनुस त यसै समाजमा गगन थापा जस्ता दलितको चुलो भित्र आटो पिठो खाँदै छन भने ईश्वरी परियार जस्ता दलितहरु वाहुन क्षेत्रीको दलान मै बसेर खान बाध्य छन् ।

फेसबुकमार्फत कमेन्ट गर्नुहोस !

Leave a Reply

Your email address will not be published.