गुल्मीमा प्रशासन र बन्दकर्ता बीचको सहमतिपछी यातायात सन्चालन !

प्रेम सुनार, गुल्मी, २०७५ बैशाख २१ । विहान देखि यातायात व्यवसायी गरेको यातायात बन्द आव्हान दिउँसो चार वजे सम्म पुर्णतः ठप्प भए पनि दिउँसो चार वजे पछि गुल्मीमा खुल्ला गर्ने सहमति भएको छ । प्रमुख जिल्ला अधिकारी कोशल राज शर्माले गुल्मी यातायात व्यवसायी संघका पदाधिकारीलाई जिल्ला प्रशासनमा वोलाई यस्तो यातायात खुलाउने सहमति भएको हो ।

संघका वरिष्ठ उपाध्यक्ष रमेश काउछा, महासचिम हिमाल कुँवरलाई वोलाएर प्रमुख जिल्ला अधिकारी शर्माले अत्यआवश्यक सवारी साधन बन्द हडताल गरिदा जनताले सास्ती व्यहोरको भन्दै अहिले साँझ देखि जिल्ला भर र उता वटवल सम्म खुलाई दिन आग्रह गरेका थिए ।

सुरक्षा निकायका प्रमुख , रेसुङ्गा नगरपालिकको मेयर डिल्लीराज भुसाल लगायतका जनप्रतिनिधी समेत वसेर संघका पदाधिकारी संग यस्तो आग्रह गरेपछि उनिहरु सहमत भएका हुन् । पदाधिकारीद्धयले अत्यावश्यक नागरिकले यातायातका साधन रिर्जभ गरेर आवात जावत गर्न आग्रह गरेका छन् ।

प्रमुख जिल्ला अधिकारी शर्माले गुल्मीमा अहिले साँझ साढे चार वजे पछि अत्याअवश्यक यात्रुहरुका लागि यातायात खुलाउने सहमति भएको जानकारी दिए । भोलि विहान देखि विप्लव नेतृत्वको नेकपा माओवादीले गरेको वन्द आव्हान प्रति भने प्रशासनले कुनै प्रतिकृया दिएको छैन ।

फेसबुकमार्फत कमेन्ट गर्नुहोस !

Leave a Reply

Your email address will not be published. Required fields are marked *