गुल्मीमा हँसिया हथौड़ा संगै फेरी उदायो सूर्य !

प्रेम सुनार, गुल्मी २०७४ मंसिर २४ । २०७० मा भएको संविधान सभाको निर्वाचनमा पराजय भोगे लगत्तै नेकपा एमालेका नेता प्रदिपकुमार ज्ञवालीको फेशवुक स्टाटसले उनका कार्यकर्ताहरुको मात्र आँखा रसाएनन् प्रतिपक्षका कार्यकर्ताको समेत मुटु भक्कानिएको थियो ।

लगातार साविकको गुल्मी क्षेत्र नम्वर २ मा विजयको वाजी मार्दै आएका ज्ञवालीले त्यति वेला स्टाटसमा लेखेका थिए –‘ संविधान सभा निर्वाचनमा मलाई आफ्नो अमुल्य मत प्रदान गर्नु हुने सम्पुर्ण गुल्मेलीवासी प्रति आभार व्यक्त गर्दछु । मलाई आशिष दिने बृद्ध वुवा आमाहरु हामीमा आफ्नो भविश्य नाच्ने रमाउने साना नानीहरु , ज्यान हत्केलमा राखेर खटेका युथफोर्शका साथीहरु, कला गलाले साथ दिने कलाकारहरु , काठमाण्डौं , वुटवल र प्रवासी साथीहरु तपाईहरुलाई म सधै मिस गरिरहने छु । यो यात्रा हो जुन निरन्तर जारी रहने छ ।
गुल्मीको विकास र गुल्मेलीवासीहरुको दुख सुखमा मेरो उपस्थिती सधै पाउनु हुने छ । यो प्रतिकुल परिणमको सम्पुर्ण जवाफदेही म लिने छु । सायद उमेदवारको रुपमा म मा नै कमी थियो कि ? निरास नबनौ एक छिन डाँडापारी लुकेको सुर्य फेरी उदाउने छ ……….।’

उनको यो स्टाटसमा निकै महानता , आत्मीयाता र भावुकता लुकेको छ । हामीले देखेका थियौं ज्ञवालीको पराजय संगै उनका कार्यकर्ता त्यही स्टाटस पढ्दै डाको छाडी रहेका थिए । मुसिकोट नगारपालिकाका वडाध्यक्ष प्रकाश काफ्लेले आज विहान भने–‘ एक भेलामा दिदी वहिनीहरु त्यही स्टाटस पढ्दै रुन थाल्नु भयो , मैले पनि मन थाम्न सकिन र भक्कानियको थिएँ ।’

नेता ज्ञवालीले राजनीति निरन्तर यात्रा हो । नेपाली कांग्रेसका नेता तथा अहिलेको १ नम्वर क्षेत्रका उमेदवार चन्द्र भण्डारीले पनि आज त्यही महानता देखाए । विजेता प्रदिपकुमार ज्ञवालीलाई अंगालो मारेर आत्मीयता साट्दै बधाई दिदै सफल कार्यकालको शुभकामना दिए । रेसुङ्गा नगरपालिकाले विजयी प्रदेश र केन्द्रका सासंदहरुलाई आयोजना गरेको सम्मान कार्यक्रममा निकै भावुक हुँदै नेता ज्ञवालीले भने अघि विहान सम्म हामी पक्ष र विपक्ष थियौं तर अव कोही पक्ष र विपक्ष छैनौं । देश वनाउने मामिलामा हामी संगै छौं । ’
उनले लोकतन्त्रमा हार जित स्वभाविक भएको भन्दै कोही बढि उत्साहित र कोही बढि निरास हुन नहुने आशय प्रकट गरे ।

जिल्लामा रहेका २ निर्वाचन क्षेत्र र ४ वटा प्रदेश सभामा कामगठबन्धनका उम्मेदवारहरु निर्वाचित भएपछी जिल्ला बामपन्थीको लाल किल्ला भएको छ । २०५१ साल सम्म कांग्रेसमय बनेको जिल्ला त्यस यता २०६४ साल सम्म पनि लाल किल्ला नै रहेको थियो । नेपाली कांग्रेसका ति नेता हुन जसले झण्डै २० वर्ष पछि चन्द्र भण्डारी र कृष्णप्रसाद छन्त्यालले आफुहरुको विरासत २०७० मा आएर फर्काएका थिए । दुई वटा दल एकातिर मिलेर पनि कांग्रेस उमेदवारहरु एक्लैले पनि जुन मत प्राप्त गरेका छन् जसले कांग्रेसजन प्रति जनताले सम्मान प्रकट गरेको देखाउँछ । चुनावी लडाईमा स्वभाविक रुपमले एक अर्कोमा आरोप प्रति आरोप र गाली गलौज समेत हुनु स्वभाविक ठानिन्छ । तर आज विहान देखि त्यसको अन्त्य भएको छ । नेता गणहरुले आजै विहानै देखि मिलेर अगाडी बढ्ने सन्देश पनि दिई सकेका छन् ।

२०७० सालमा केहि वेरा डाँडा पारी लुकेको सुर्य अहिले हँसिया हतौडा संगै फेरी उदाय जस्तै विग्रेको मौसमका कारण कुईरोलो छोपेको रुख मौसम सफा भए लगत्तै देखिने छ भन्ने कुरामा कांग्रेसजन आश्वस्त हुन जरुरी छ । सांसदमा मात्र हो कहिलो को सत्ता पक्ष कहिले को प्रतिपक्ष हुने । तर सामाजिक विकास र राष्ट्र हितमा हामी कोही पनि पक्ष विपक्ष हुँदैनौ र हुनु हुन्न । जिल्लाबाट चुनावी मैदानमा उत्रेका सवै नेता गण बधाईका पात्र हुन् । मतगणनामा जसले जिते हारे पनि यति वेला गुल्मीले जितेको छ । राष्ट्रिय अन्तराष्ट्रिय स्तरमा ख्याति कमाईका नेता प्रदिपकुमार ज्ञवाली , गोकर्ण विष्ट, सुदर्शन वराल , कमलराज श्रेष्ठ, खड्ग केसी , दिनेश पन्थी जस्ता माननियहरु हामीले पाएका छौं । उहाँहरुबाट जे अपेक्षा राखिएको छ त्यो पुरा गर्ने दायित्ववोध उहाँहरुले गरी सक्नु भएको छ । उहाँहरुको त्यो दायित्व पुरा होस भन्ने शुभकामना दिदै उप विजेता कांग्रेस उमेदवारहरुलाई समेत बधाई दिदै र उहाँहरुको राजनैतिक कार्यकाल सफल होस भन्ने शुभकामना दिदै गुल्मी जिल्लाको निर्वाचनलाई सफल पार्नमा अहोरात्र खटिनु भएका समस्त कर्मचारी सुरक्षा निकाय, दलका जिम्मेवार नेताहरु र आम मदतातालाई समेत साधुवाद ………….

फेसबुकमार्फत कमेन्ट गर्नुहोस !

Leave a Reply

Your email address will not be published. Required fields are marked *