जनताले जिम्मेवारी दिए म नेतृत्व लिन तयार छु – पूर्व राजा ज्ञानेन्द्र

काठमाडौ २०७४ कात्तिक ४ । पूर्व राजा ज्ञानेन्द्र वीरविक्रम शाहदेवले पत्रकारहरुसंग संक्षिप्त कुराकानी गर्दै ‘एउटा जिम्मेवार नागरिकको हैसियतले मलाई देशको चिन्ता र चासो हुनु स्वभाविकै छ’ भन्दै अब समय आए जस्तो छ, जनताले जिम्मेवारी दिए म नेतृत्व लिन तयार छु। तर, सबै जनताको इच्छा हुनुपर्छ’ भनि बताएका छन् ।

भाईटीकाको दिन कान्छी वहिनी पूर्व अधिराजकुमारी शोभा शाहीको हातबाट टीका ग्रहण गरेपछी पत्रकारहरुसंग संक्षिप्त कुरागर्दै, आफूले नेतृत्व लिनका निम्ति सबै जनताले चाहनुपर्ने दोहोराए । राजा ज्ञानेन्द्रले भने, ‘देशको परिस्थिति र समय आएको छ, म फेरि दोहोर्याउछु तर, सबैले चाहनु पर्दछ ।
‘देशको परिस्थिति अन्त्यन्तै नाजुक अवस्थामा छ, नेतृत्व नभा जस्तो देखिएको छ। अहिले परिस्थिति कस्तो छ भनेदेखिन्, दुबो, मखमली र गोदावरी फूलको मालाको महत्व नबुझ्ने तर, कागजको फूलको सुवास खोज्ने, त्यो परिस्थितिमा हामी हिडिराखेको जस्तो लाग्छ मलाई’ भन्दै
पूर्वराजा ज्ञानेन्द्रले चिन्ता समेत व्यक्त गरे ।

‘सबै जनताको इच्छा हुनुपर्छ र यो कुरा गर्दा फेरि सक्रिय भयो भन्ने कुरा निस्केला। यो सक्रिय हुने र नहुने बेला होइन’, उनले भने, ‘देशको परिस्थितिले मागेको समय आए जस्तो लाग्छ।

पूर्व राजा ज्ञानेन्द्रले भने, तिहार परिवारमा बस्ने र खुशीयाली मनाउने पर्व भएकोले खुशी भएर बस्न सबैलाई आग्रह गर्दछु । ‘आजको दिन परिवारसँग बस्ने दिन हो र परिवारसँग रमाइलो गरेर बस्ने दिन हो, यो दिनमा सुरक्षित साथ रहनुहोस् खुशी भएर बस्नुहोस्, तर, जिम्मेवार सबै नागरिकलाई मैले भनेको कुरामा पनि ध्यान दिनुहोस् भन्ने कुरा आग्रह गर्दछु।’

फेसबुकमार्फत कमेन्ट गर्नुहोस !

Leave a Reply

Your email address will not be published.