बागलुङमा बिश्व योग दिवस !

कोपिला कंडेल, बागलुङ २०७४ असार ७ । विश्व योग दिवस, आज धौलागिरीमा पनि विभिन्न कार्यक्रम गरी मनाईएको छ ।हरेक वर्षको जुन २१ तारिखमा यो दिवस मनाईन्छ । योगलाई शताब्दीविकासको सूचकाङ्कका रुपमा समेत लिइएको छ । व्यक्तिगत शान्ति र स्वास्थबिना विकास र समृद्धि सम्भव नभएको भन्दै भन्दै दिवस मनाउन शुरु गरिएको हो ।

पतञ्जली योग समिति बागलुङ, जिल्ला शिक्षा कार्यालय र धौलागिरी अञ्चल आर्युवेद औषधालयको संयुक्त आयोजनामा बागलुङमा विहान प्रभातफेरी सहित योग अभ्यास गरिएको थियो ।

सो अवसरमा बोल्ने सहभागिले शारीरिक मानसिक एबं आत्मनियन्त्रण, चित्त शुद्धिकरणका लागि योग महत्वपुर्ण माध्यम भएको बताएका थिए । सहभागिले अध्यात्मिकतामा ध्यान दिँदै मानव शक्ति अनि चित्तको सकारात्मक विकेन्द्रिकरणमा सहयोग पुग्ने बताए ।

कार्यक्रममा जिल्ला न्यायाधीश हिमलाल बेलवासे, प्रमुख जिल्ला अधिकारी ऋषिराम तिवारी, नगर प्रमुख जनक पौडेल, धौलागिरी अञ्चल आर्युवेद औषधालयका कविराज हरि पौडेलले मन्तव्य व्यक्त गरेका थिए ।

कार्यक्रम पतञ्जली योग समितिका उपाध्यक्ष हरिप्रसाद उपाध्यायको अध्यक्षता, सचिव हिरावहादुर केसीको स्वागत र जिल्ला शिक्षा कार्यालयका बिद्यालय निरिक्षक प्रकाश वझाको सञ्चालनमा सम्पन्न भएको थियो ।

फेसबुकमार्फत कमेन्ट गर्नुहोस !

Leave a Reply

Your email address will not be published. Required fields are marked *