बुर्तिबाङ उत्तरगंगा परिक्षा केन्द्रमा कक्षा ११ का ३३४ जना परक्षार्थी सम्मिलित हुदै

परीक्ष मर्यादित एवं शान्तिपूर्ण सम्पन्न गर्न परिक्षा सहयोग समिति गठन

प्रशान्त घर्ती मगर, बुर्तिबाङ, २०७४ जेठ ३१ । बुर्तिबाङ स्थित उत्तरगंगा माध्यमिक विद्यालय परीक्षा केन्द्रमा भोलि असार १ गते विहिबारबाट शुरुहुने कक्षा ११ को परीक्षा मर्यादित बनाउने सम्वन्धमा छलफल भएको छ ।

उत्तरगंगा माध्यमिक विद्यालयका प्रध्यानाध्यापक तथा परीक्षा केन्द्रका केन्द्राध्यक्ष धनबहादुर कुँवरको अध्यक्षतामा बसेको बैठकमा शान्तिपूर्ण वातावरणमा मर्यादित तवरले सम्पन्न गर्ने सन्दर्भमा छलफल भएको थियो । बैठकमा ढोरपाटन नगरपालिका वडा नं. १ का वडा अध्यक्ष चित्रबहादुर भण्डारीको विशेष उपस्थिती रहेको बैठकमा विद्यालय व्यवस्थापन समितीका पदाधिकारी, शिक्षक अभिभावक संघका पदाधिकारी, इलाका प्रहरी कार्यालय बुर्तिबाङका प्रतिनीधि तथा सञ्चारकर्मीहरुको उपस्थिती रहेको थियो ।

बैठकले परीक्षालाई मर्यादित बनाउन वडा नं १ का अध्यक्ष तथा विद्यालय व्यवस्थापन समितिका पदेन सदस्य चित्रबहादुर भण्डारीको संयोजकत्वमा ५ सदस्यीय परीक्षा सहयोग समिती समेत गठन गरेको छ । जसका अन्य सदस्यहरुमा विद्यालय व्यवस्थापन समितिका अध्यक्ष चुँराबहादुर कुँवर, शिक्षक अभिभाव संघका संयोजक धनबहादुर खत्री, इलाका प्रहरी कार्यालय बुर्तिबाङका प्रहरी सहायक निरिक्षक रोहित वि.क. र केन्द्राध्यक्ष धनबहादुर कुँवर रहेका छन् ।
उक्त उत्तरगंगा परीक्षा केन्द्रमा भिमगिठे माध्यमिक विद्यालय, देविस्थान माध्यमिक विद्यालय, शिवालय माध्यमिक विद्यालय, प्रभा माध्यमिक विद्यालय र जनजागृति माध्यमिक विद्यालय गरी ५ विद्यालयका नियमित तर्फ २३४ जना र आंशिक तर्फ १०० जना विद्यार्थीहरुले परीक्षामा सहभागी हुने केन्द्राध्यक्ष कुँवरले जाकारी दिए ।

पूर्ण रुपमा विद्यार्थीहरुको सहभागीता रहेको खण्डमा पहिलो दिन १ गते २३४ जना, दोस्रो दिन २ गते २३६ जना र तेस्रो दिन ३ गते २७१ जना विद्यार्थीहरु परिक्षामा सहभागी हुनेछन् । त्यसैगरी ४ गते १०० जना, ५ गते १०५ जना र ६ गते १२९ जना विद्यार्थीले परिक्षा दिनेछन् भने ७ गते यो परिक्षा केन्द्रमा सञ्चालन हुने विषय नभएकोले कुनै विद्यार्थी सहभागी हुने छैनन् । त्यस्तै, ८ गते ११४ जना विद्यार्थीले परीक्षामा सहभागीता जनाउँदा ९ गते भने मुस्लिमहरुको पर्व रमजान परेकोले सरकारले राष्ट्रिय विदा घोषणा गरेको छ । त्यसैगरी परिक्षाको अन्तिम दिन १० गते यस केन्द्रमा १८७ जना विद्यार्थीहरु परिक्षामा सहभागी हुने छन् ।

फेसबुकमार्फत कमेन्ट गर्नुहोस !

Leave a Reply

Your email address will not be published. Required fields are marked *