Menu

माओवादी केन्द्र गल्कोट नगरपालिका ७ मल्मको विशेष भेला सम्पन्न !

थम्मन थापा सन्देश गल्कोट २०७४ बैशाख ३ । आगामी वैशाख ३१ गते हुन लागेको स्थानिय निर्वाचनलाई लक्षित गर्दै नेकपा माओवादी केन्द्र गलकोट नगरपालिका ७ मल्मको विशेष भेला आज सम्पन्न भएको छ ।

भेलामा बोल्दै प्रमुख अतिथि नेकपा माओवादी केन्द्र गलकोट नगरपालिकाका अध्यक्ष तिलक उप्रेतीले देश अहिले माओवादीको एजेन्डामा आईसकेको र अब ती उपलब्धीको संरक्षण गर्न स्थानिय निर्वाचनमा नेकपा माओवादी केन्द्रलाई मतदान गर्नु पर्ने बताए।

सो अवसरमा नेकपा माओवादी केन्द्र केन्द्रिय महाधिवेशन आयोजक समिति सदस्य डिल बहादुर परियार र नेकपा माओवादी केन्द्र गलकोट नगरपालिका सहसचिव राज थापाले प्रशिक्षण मन्तव्य राखेका थिए । भेलामा वडा भित्रका विभिन्न जनवर्गीय संगठनका १ सय ५३ जना माओवादी कार्यकर्ताको सहभागिता रहेको थियो ।

भेलाले वैशाख ३१ गते हुन लागेको स्थानिय तहको निर्वाचनमा गलकोट नगरपालिका वडा नं ७ मा वडा अध्यक्षको उम्मेदवारमा सुवेदार टिका बहादुर थापालाई सर्वसम्मत चयन गरेको छ ।

महिला सदस्य मन कुमारी चोखाल ुसरिताु, मिना दर्जी, पदमा नेपाली अनि पुरुष सदस्यमा राज थापा, डिल बहादुर परियार, दल बहादुर थापा र लोक बहादुर थापालाई नगरमा सिफारिस गरेको छ ।

त्यस्तै निर्वाचन सफल पार्दै माओवादी केन्द्रको पोल्टामा चुनाव लाई केन्द्रित गर्न १५१ सदस्यीय निर्वाचन परिचालन कमिटि गठन गरिएको छ । जस अन्तरगत झिर्कामा शिवलाल दर्जी संयोजक, टोकरीमा विष्णु थापा संयोजक, अरबेदी, खालीमा दल बहादुर थापा संयोजक, भल्साङ, कोल, फलाटेमा सुरेश थापा संयोजक, गैराखर्क, आरानटोल, मल्मडाडामा प्रेम बहादुर दर्जी संयोजक, खोलापारी, साहनीडाडा, बतासेडाडामा लोक बहादुर थापा संयोजक, सिरबारेमा धन बहादुर दर्जी, मिन बहादुर दर्जी, छबिलाल दर्जी, र विष्णु नेपाली संयोजक, आगाखेत, बामिया र तल्लो सिरबारेमा ललित मरासिनी संयोजक रहेको समिति गठन गरेको छ ।

भेला नेकपा माओवादी केन्द्र मल्मका अध्यक्ष छुम बहादुर थापाको अध्यक्षता, छबिलाल दर्जीको स्वागत र प्रेस सेन्टर नेपाल गलकोट नगरपालिकाका अध्यक्ष थम्मन थापा सन्देशको सञ्चालनमा सम्पन्न भएको थियो ।

फेसबुकमार्फत कमेन्ट गर्नुहोस !

Leave a Reply

Your email address will not be published. Required fields are marked *