हाम्रो मुस्ताङ गीति संग्रहको सांसद थकालीव्दारा विमोचन !

केशव बि.क.मुस्ताङ २०७३ चैत ३० । मुस्ताङको मौलिक पहिचान बोकेको गीतिसंग्रह हाम्रो मुस्ताङको मंगलबार विमोचन गरिएको छ । गीतिसंग्रहको विमोचन साँसद श्रीमाया थकालीले गरेकी हुन् ।

बाह्र वर्षे देवि दर्शन मेलाको अवसर पारेर निरज थकाली र बादल थकालीको प्रस्तुतिमा रहेको सो गीति संग्रहको विमोचन गरिएको हो ।
गीतिसंग्रहको बिमोचन गर्दै साँसद थकालीले कलासंस्कृतिको संरक्षणमा युवाको सक्रियताको प्रशंसा गर्दै मुस्ताङको वस्तुस्थिति समेटिएको गीतिसंग्रहले पर्यटन प्रवद्र्धनमा टेवा पु¥याउने विश्वास व्यक्त गरिन् ।

मुस्ताङको मौलिकता र पहिचानलाई गीतको माध्यमबाट आम स्रोता एवं दर्शक माझ प्रस्तुत गर्दै पर्यटनको वृद्धि र विस्तार गर्नको लागि मुस्ताङको वस्तुस्थिति समेटिएको गीतिसंग्रह बजारमा ल्याइएको प्रस्तुतकर्ता निरज र बादल थकालीले जानकारी दिए ।

मुस्ताङको वस्तुस्थिति र पहिचान झल्काउने सो गीतिसंग्रहमा हाम्रो मुस्ताङ, नयाँ यात्रा, हाम्रो मुस्ताङ, आउ आज, हाम्रो मुस्ताङ, नयाँ यात्रा र माथी माथी सहित सात वटा गीतहरु समावेश गरीएको छ । गीतहरुमा टीका प्रसाई, कृष्ण काफ्ले, लेखराज गुरुङ, रेश्मा पुन र राजेशपायलले स्वरवद्ध गरेका छन् ।
गीति एल्वममा समावेश गीतहरुमा विपिन किरणले शब्द सृजना गरेका हुन भने मिलन मोक्तानले संगीत भरेका छन् । माथी माथी बोलको गीतको डा. नवराज लम्सालले शब्द संकलन गरेका हुन् । गीतिसंग्रहको किरण क्रियशनले बजार व्यवस्थापन गरेको छ ।

फेसबुकमार्फत कमेन्ट गर्नुहोस !

Leave a Reply

Your email address will not be published. Required fields are marked *