गुल्मीमा नेपाली काग्रेसको बिरोध प्रदर्शन : ‘कम्युनिष्टहरु संसारका कलंकहरु हुन् !’

प्रेम सुनार, गुल्मी २०७५ साउन १५ । नेपाली कांग्रेस गुल्मीले आयोजना गरेको विरोध सभालाई सम्वोधन गर्न यहाँ आई पुगेका सो पार्टीका केन्द्रिय सदस्य गुरु प्रसाद घिमिरेले आफ्नो झण्डै एक घण्टा लामो भाषणको पुरै समय कम्युनिष्टहरुलाई गाली गलौज मै खर्चिका छन ।

नेकपाका अध्यक्ष व्दयः प्रधानमन्त्री केपी शर्मा आली र प्रचण्डलाई दिमाग नै खुस्केका हुन कि जस्तो आफुलाई लागेको सम्म उनले भन्न भ्याए । संसारमा कम्युनिष्टहरु कलंक हुन’– उनले भने–‘विश्वभर करोडौंको ज्यान लिने यिनीहरु रावण हुन ।

उनले प्रधानमन्त्री ओलीलाई अधिनायकवादी चरित्र देखाएको र अंहकार बोकेको नेता भएको आरोप लगाए । अध्यक्ष प्रचण्डले अब सवै गुमाएर सुकुम्वासी भएको भन्दै उनले दया देखाए । अहिले सम्म नेपालमा भएका सवै विकासहरु कांग्रेसले मात्रै गरेको उनले दावी गरे ।

तत्कालीन नेकपा एमाले सरकारमा जाँदा जहिले पनि बृद्ध भत्ता बाहेक केहि गर्न नसकेको भन्दै उसलाई होच्चाएर बेलेका थिए । उनि धेरै पटक तत्कालिन एमाले माथी ओईरिएका थिए । उनले भने –‘२०६२÷०६३ को जनआन्दोलनमा तत्कालिन माओवादीका प्रचण्डहरु बरु हामी संगै आन्दोलनमा थिए ।
तर केपी ओलीहरु त्यो आन्दोलनले राजतन्त्र फाल्छु भन्नु अमेरिका सम्म वयलगाडा चढेर जान्छौं भन्नु जस्तै हो भन्दै आराम गरेर बसका थिए । अर्का नेता माधव नेपाल राजकहाँ प्रधानमन्त्री बन्न पाउँ भन्दै पुगेका थिए ।’

उनले नेपालमा हाल सम्म भएका सवै खाले परिवतर्नहरु नेपाली कांग्रेसको आन्दोलनबाट मात्रै भएको जिकिर गर्न अफ्ठ्यारो मानेन । खेत बनाउने, रोपाई गर्ने, धान धन्काएर कुटेर चामल पकाउने आफुहरु कांग्रेस भएको र अहिलेको नेकपाले आफुहरु संग खोसेर भात खाने गरेको भन्दै गिल्ली गरेका थिए ।

नेता घिमिरेले दिपकराज जोसीलाई प्रधानन्याधिशमा नियुक्ति नगरे कांग्रेसले आन्दोलन थप चर्काउने चेतवानी सरकारलाई दिए । उनि र यहाँका पार्टी सभापति भुवनप्रसाद श्रेष्ठ सहित भाषण गर्ने सवै नेताहरु कम्युनिष्टहरु प्रति कडा रुपमा प्रस्तुत भएका थिए ।

फेसबुकमार्फत कमेन्ट गर्नुहोस !

Leave a Reply

Your email address will not be published. Required fields are marked *