काम खोज्न हिडेका गुल्मीका एक युवाको दुर्घटनामा मृत्यु

प्रेम सुनार गुल्मी २०७५ असार २८ । आज विहान नवलपरासीमा भएको वस दुर्घनामा गुल्मीबाट त्यहाँ काम खोज्न हिडेका एक युवाको मृत्यु भएको खुलेको छ । २१ जना घाइते मध्ये ८ जना सामन्य उपचार पछि डिस्चार्ज भएका छन भने १२ जना घाईतेहरुको उपचार हुँदैछ ।

आज विहान पौने सात वजेको समयमा नारायणघाटबाट नेपालगञ्जका लागी छुटेको ना ६ ख ९४३८ नम्वरको बस नवलपरासीको सुनवल नगरपालिका १२ भुमहीमा दुर्घटना भएको थियो ।

त्यस दुर्घटनामा म गुल्मीको गाउँपालिकका वडा न– ७ घमिर अर्चेङका ३७ वर्षिय गणेश लम्साल रहेका मृत्यु भएको हो । मालिका ७ घमिरका वडाध्यक्ष वेदप्रसाद पन्थीले भने–‘ अँस्ती सम्म यहि देखिन्थे । त्यहाँको एक सिमेन्ट कारखानामा काम गर्न जान्छु भन्दै हिडेका थिए , उनैको दुखत निधन भएको खवरले हामी स्तव्ध छौं । ’

नवलपरासीका प्रहरी प्रमुख राजेन्द्र भट्टले उनको मृत्यु भएको र २१ जना घाईते मध्ये ८ जना सामन्य उपचार पछि डिस्चार्ज भएका र १२ जनाको उपचार भई रहेको जानकारी दिए । उनका अनुसार ९ जनाको भैरहवा मेडिकल कलेजमा र ३ जनाको वुटवल जेनस अस्पतालमा उपचार भई रहेको छ ।

घाईतेहरु खतारमुक्त रहेका छन । दुर्घटनामा बस चिप्लिएर राजमार्ग देखी २० मिटरको दुरिमा पल्टिएको थियो । दुर्घटनाको कारण भने अझै खुल्न सकेको छैन ।
तस्वीरः मृतक लम्साल र दुर्घटना भएको बस

फेसबुकमार्फत कमेन्ट गर्नुहोस !

Leave a Reply

Your email address will not be published. Required fields are marked *