Menu

बागलुङमा ओलीको अध्यक्षतामा कर्णाली प्रदेश सम्पर्क मन्च गठन !

गुमानसिँह भण्डारी, बागलुङ २०७५ असार ९ । कर्णाली प्रदेशबाट बिभिन्न पेसा, ब्यवसाय गर्दै बागलुङमा बसोबास गर्ने ब्यक्तिहरुलाई लक्षित गरि ऐतिहासिक प्रथम भेला सम्पन्न भएको छ ।

भेलाले कर्णाली प्रदेश सम्पर्क मंच बागलुङ गठन गरेको छ । भुपेन्द्र कुमार ओली अध्यक्ष रहेको १५ सदस्यीय समिति गठन गरिएको छ । समितिको उपाध्यक्षमा हरिनन्द जैसी, सन्दिप थापा र नारायणी न्यौपाने रहेका छन् ।

त्यस्तै सचिवमा खुमलाल पुन सहसचिवमा कुम्म राज मल्ल, कोषाध्यक्षमा बिष्णु बुढाथोकी र सहकोषध्यक्षमा कृत्तना बस्नेत रहेका छन् ।

कार्यक्रम जेष्ठ सदस्य महेन्द्र शर्मा ओलीको अध्यक्षता, कुम्म राज मल्लको स्वागत मन्तब्य र खुमलाल पुनको सञ्चालनमा सम्पन्न भएको थियो । भेलाले बागलुङ जिल्ला अन्तर्गतका १० स्थानिय तहमा स्थानिय सञ्जाल समन्वय प्रतिनिधि समेत तोकेको छ । जसअन्तर्गत बागलुङ नगरपालिकामा हरिनन्द जैसी, काठेखोला गाउपालिकामा धर्मिन्द्रा बाठा मगर, जैमिनी नगरपालिकामा बिष्णु बुढाथोकी, बरेङ गाउपालिकामा जीवन लोहर, ताराखोला गाउपालिकामा बिराजु जिसी, गल्कोट नगरपालिकामा कुम्मराज मल्ल, बडीगाड गाउपालिकामा मुकुन्द ओली, ढोरपाटन नगरपालिकामा कृत्तना बस्नेत, निसीखोला गाउपालिमा महेन्द्र शर्मा ओली र तमानखोला गाउपालिकामा चित्र जंग कुबर रहेका छन् ।

त्यस्तै भेलाले हरि राहुलको संयोजकत्वमा ७ सदस्यीय सल्लाहाकार समिति समेत गठन गरेको छ । गठित मंचले कर्णाली प्रदेशबाट बागलुङमा बसोबास गर्ने ब्यक्तिहरुको सम्बन्ध नजिक बनाउने र बिभिन्न समस्यामा हातेमालो गर्ने लक्ष्य रहेको आयोजकले जनाएको छ ।

फेसबुकमार्फत कमेन्ट गर्नुहोस !

Leave a Reply

Your email address will not be published. Required fields are marked *