Menu

स्व. पिताको तेह्रौँ दिनको पुण्य तिथीमा गाउँभरि गीतादान : गीता मानवजीवनका लागि निर्देशिका !

बागलुङ २०७५ जेठ ८ । नेपाल अन्तराष्ट्रिय कृष्णभावनामृत संघ ९इस्कोन नेपाल० , बागलुङ शाखाले २०७५ जेष्ठ ७ गते बागलुङ नगरपालिका वडा नं ७ कालिमाटीमा कुमार विश्वकर्माको प्रायोजनमा स्थानीयवासी जनतालाई ४८ वटा श्रीमद्भगवद् गीता, जप माला लगायतका धार्मिक सामाग्रीहरु निःशुल्क वितरण गरेको छ ।

स्वर्गीय बुवा लालवहादुर विश्वकर्माको १३ औँ दिनको पुण्यतिथीमा पुत्र कुमार विश्वकर्माले स्थानीयवासीलाई गीता दान गरेका थिए । छोटो आध्यात्मिक प्रवचन सहित भएको गीतादान कार्यक्रममा इस्कोन नेपाल , बागलुङ शाखाका प्रमुख परमेश्वर अच्युत दासले श्रीमद्भगवद्गीता मानव जीवनका लागि निर्देशिका पुस्तिका भएकाले सबैले गीता अध्ययन गर्नुपर्ने धारणा राखेका थिए ।

“वैदिक सभ्यतामा १३ औँ दिनको पुण्य तिथीमा मृतक व्यक्तिको वैकुण्ठवासको कामना गर्दै परिवारका सदस्यले गाईदान लगायतका विभिन्न दान गर्ने परम्परा भएपनि मानिसहरुले आजभोलि सबैभन्दा महत्वपूर्ण दान गीतादान गर्न भने त्यती ध्यान दिएको देखिँदैन ।” उनले थप स्पष्टिकरण दिए ।
छोटो मन्तव्यको क्रममा आफ्ना स्वर्गीय बुवाको स्मरण गर्दै कुमार विश्वकर्माले आफूले १० वर्ष पहिले पाएको श्रीमद्भगवद्गीता यथारुप अध्ययन पश्चात करिव ३ वर्षअघि वैदेशिक रोजगारीको शिलशिलामा बहराइनमा गएकोमा त्यहीँ इस्कोनका भक्तहरुको सत्सङ्ग बाट आफू कृष्णभक्तिमा लागेको भन्दै सबैलाई गम्भिर भएर गीता पढ्न अनुरोध गरेका थिए ।

श्रीमद्भगवद् गीता, जप माला लगायतका धार्मिक सामाग्रीहरु प्राप्त गरेपछि स्थानीयवासी जनताहरु निकै प्रफुल्ल भएका थिए ।

फेसबुकमार्फत कमेन्ट गर्नुहोस !

Leave a Reply

Your email address will not be published. Required fields are marked *