अवैध रुपमा गिट्टी वालुवा चोरी निकासी गर्ने पक्राउ : कानुन विपरीत कार्य गर्नेलाई कार्वाही हुन्छ – प्रनाउ घिमिरे

निर्मल पौडेल, पर्वत २०७५ जेठ ३ । काली गण्डकी किनारबाट अवैधरुपमा गिटी बालुवा उत्खनन् गरी कालीगण्डकीको दोहन भैरहेकोमा ब्यापक बिरोध भैरहेको अवस्थामा अवैध रुपमा गिट्टी वालुवा चोरी निकासी गर्नेहरुलाई प्रहरीले नियन्त्रणमा लिएको छ । जलजला गाउँपालिका वडा नं ३ गुफाटोल स्थित कालीगण्डकी नदीमा गिट्टी वालुवा उत्खनन् गर्दै गरेको अवस्थामा ग १ क २३०८ नम्वर जे सि भि र ग १ ख ८१३५ नम्वरको टिप्परलाई प्रहरी चौकी, वारीवेनी पर्वतवाट खटिएको प्रहरी टोलीले नियन्त्रणमा लिएको हो ।

त्यस्तै वुधवारनै कुस्मा नगरपालिका ११ मालढुङगा स्थित सडक खण्डको किनारमा रहेको राष्ट्रिय वन क्षेत्रमा नम्वर नखुलेको स्काईभेटर प्रयोग गरी अवैध रुपमा माटो उत्खनन गरेको अवस्थामा प्रहरीले नियन्त्रणमा लिएको छ । जिल्ला प्रहरी कार्यालय पर्वतवाट खटिएको प्रहरी टोलीले रौतहट चन्द्रनिगाहपुर १ को २५ वर्षिय राधेश्याम साहलाई नियन्त्रणमा लिएको हो ।

दुबै स्थानमा नियन्त्रणमा लिईएका टिप्पर, स्काईभेटरहरु आवश्यक अनुसन्धान पश्चात कारवाहीको लागी जिल्ला समन्वय समितिको कार्यालय पर्वतमा पठाईएको जिल्ला प्रहरी कार्यालय पर्वतका प्रहरी नायव उपरीक्षक दिलिप घिमिरेले जानकारी दिए ।

अवैध रुपमा चोरी तस्करी गर्ने गुण्डागर्दी गर्ने दादागीरी देखाउने जाँडरक्सी खाएर होहल्ला गर्ने कानुन विपरीत अवैध कार्य गर्ने जो कोहीलाई कानुनको कठघारमा उभ्याएर कार्वाही गर्ने प्रनाउ घिमिरेले बताए।

फेसबुकमार्फत कमेन्ट गर्नुहोस !

Leave a Reply

Your email address will not be published. Required fields are marked *