Menu

तेस्रो गुल्मी महोत्सव : नेपाल नयाँ युगमा प्रवेश गरेको छ – मन्त्री ज्ञवाली

प्रेम सुनार, गुल्मी २०७४ चैत १७ । । परराष्ट्रमन्त्री तथा एमाले सचिव प्रदिपकुमार ज्ञवालीले नेपाल नयाँ युगमा प्रवेश गरेको बताएका छन् । देशमा लगानीको वातावरण सिर्जना भएको भन्दै उनले अब निजी क्षेत्रमार्फत देश अर्थिक विकासको तिब्र गतिमा अगाडी बढ्ने बताए । गुल्मी उद्योग बाणिज्य संघद्धारा आयोजित तेस्रो गुल्मी महोत्सवलाई सम्बोधन गर्ने क्रममा प्रमुख अतिथि ज्ञवालीले यस्तो बताएका हुन् ।

त्यस्तै उनले देशमा निर्माण भएको बाम एकता र स्थिर पाँच बर्ष चल्ने सरकार विकासमा कोसेढुङ्का सावित हुने बताए । जनताले स्पष्ट बहुमतका साथ आफूहरुलाई विजयी गराएको र जनताको मतलाई खेर नफाल्ने समेत उनले प्रतिबद्धता जनाए । तर आफूहरुको त्यो एकता र राष्ट्रियतालाई केहि आन्न्तरिक तथा बाह्य शक्तिले भाड्न खोजेको तर त्यो प्रयास सफल नहुने समेत बताए ।

त्यस्तै उनले सरकार पाचँ बर्षसम्म चल्नु मात्र ठूलो कूरा भनई देशको आर्थिक समृद्धि महत्वपूर्ण भएको बताए । उनले अहिलेको सरकार झारा टार्न मात्र नभई देश विकास गर्न गठन भएको बताए । ‘यो सरकार नभई नहुँने तरिकाले झारा टार्न गठन भएको सरकार होइन् ।’ उनले भने, ‘यो विकास गर्न गठन भएको सरकार हो ।’ त्यस्तै उनले देशको प्रतिपक्षि अब कुनै राजनीतिक दल नभई गरिबी र अशिक्षा नै प्रमुख शत्रु भएको बताए ।

यो बर्षको महोत्सवको नारा ‘गुल्मी जिल्लाको सम्पन्नता र समृद्धिको निकास शिक्षा स्वास्थ्य, कृषि, पर्यटनमा आधारित व्यापारको विकास’ भन्ने तय गरिएको छ । महोत्सवलाई थप प्रभावकारी बनाउनको बिभिन्न २६ वटा उपसमिति गठन भएको गुल्मी उद्योग वाणिज्य संघले जनाएको छ ।

तेस्रो गुल्मी महोत्सवलाई थप आकर्षित गर्न हेलिकप्टर संचालन गरिने भएको छ । महोत्सव १० दिन लाग्ने भएपनि दुई दिन हेलिकप्टरको ब्यवस्था मिलाएको गुल्मी उद्योग वाणिज्य संघ गुल्मीका पुर्व अध्यक्ष राजेन्द्रप्रसाद श्रेष्ठले जानकारी दिए । हेलिकप्टरद्धारा गुल्मी जिल्लाका ऐतिहासिक, पर्यटकिय, धार्मिक स्थलहरुको दृश्याबोलकन गर्न सकिने श्रेष्ठले बताए । हेलिकप्टर सदरमुकाम तम्घास नजिकै रहेको गर्जुराबाट उडान गरिने छ ।

गुल्मी उद्योग बाणिज्य संघले महोत्सवको लागि दुई सय स्टल राखिएको छ । सदरमुकामको चिदीचौर खेल मैदानमा जिल्ला स्थित उत्पादन कफी, सुन्तला, तरकारी, माहुरी, च्याउ, जिल्लाको प्रसिद्ध गुणका परिकार लगायतका अरू कृषिजन्य सामग्री महोत्सव अवधिभर राखिने छ । साथै अम्मरपुरको कुमाल समुदायले सेरामिक्सबाट निर्माण गरेका माटोका कलात्मक बस्तुहरु महोत्सव अवधिभर राखिने बाणिज्यसंघका सचिव बिरेन्द्र भुसालले बताए ।

त्यस्तै बाँस तथा निगालोबाट बन्ने अन्य कलात्मक सामग्रीहरूलाई उच्च प्राथामिकताका साथ राखिएको आयोजकले जनाएको छ । भने महोत्सवबाट जिल्लाको कृषि, घरेलु तथा औधोगिक क्षेत्रको प्रर्बद्धनसगै पवित्र तपोभुमि रुरु, रेसुंगा, कंके देउराली, मालिका र कुर्घाको स्वा“रा, शान्तिपुरको टिमुरे ताल सहितका पर्यटकीय क्षेत्रहरुको प्रचार प्रसार गर्ने अपेक्षा आयोजकले लिएको छ ।

फेसबुकमार्फत कमेन्ट गर्नुहोस !

Leave a Reply

Your email address will not be published. Required fields are marked *