Menu

दुबैको राजी खुशीले कामकुरो सकिए नि, पछि जबरजस्ती भनिदिए भैगो नि … ?

प्रेम सुनार, गुल्मी २०७४ चैत ११ । वलात्कार घटना अनेक प्रकृतिका हुन्छन् । सुन्दा एकले अर्कोलाई जवरजस्ती करणी गरेको भन्ने मात्रै ब्ुझिन्छ तर पर्दा भित्र थुप्रै क्ुरा लुकेका हुन्छन् । कतिपय दुवैको राजीखुशीमा भएको शारीरिक सम्वन्ध पछि गएर जवरजस्तीकरणी बन्छ भने कतिपय जवरजस्ती करणी पनि पछि गएर राजीखुशी बन्न पुग्छ । कतिपय दर्दनाक जवरजस्ती करणी घटना पनि गाउँघरमा गुपचुप पारिन्छ भने कतिपय सामन्य प्रकृतिका घटना पनि ठुलो बनाईन्छ ।

गुल्मी जिल्ला प्रहरी कार्यालयमा शनिवार परेको उजुरीको एक घटनाले वलात्कार भनिएका आरोपहरुको सम्वन्धमा व्यवहारिक पक्षको समेत गहिरो अनुसन्धान गर्न पर्ने देखिएको छ । गुल्मी कै मालिका गाउँपालिका वडा नम्वर–५ , छापाहिलेमा चैत ८ गते विहान करिव ४ वजेको समयमा र दोश्रो पटक अर्को स्थान कोटकटेरी भन्ने स्थानमा नाता पर्ने एउटी १५ वर्षिया किशोरीलाई स्थानिय २६ वर्षिय शेषबहादुर कार्कीले जवरजस्ती करणी गरेको भन्दै शनिवार ती किशोरीले जिल्ला प्रहरी कार्यालयमा उजु्री दिएकी हुन । उनि विरुद्ध यस्तो प्रकृतिको उजु्री परेपछि प्रहरीले आरोपितलाई हिजै पक्राउ गरी अनुसन्धान गरिरहेको सो कार्यालयका प्रवक्ता प्रहरी निरीक्षक डाक्टर प्रसाद चौधरीले जानकारी दिए ।

स्थानियका अनुसार ती किशोरी र कार्की वैवाहिक सम्वन्ध राख्न मिल्ने नजिकका नातेदार हुन् । उनिहरु विच गत डेढ वर्ष यता मायाँ सम्वन्ध थियो । एक आपसमा उपहार आदन प्रदान र तस्वीर समेत खिचिएका छन् । ती आरोपित कार्कीका परिवारजनकी एक सदस्य पनि उनिहरु विच वैवाहिक सम्वन्ध होस भन्ने पक्षमा रहन्छन् । स्थानिय भरत कार्की भन्छन्– ती जोडीहरुको राम्रै सम्वन्ध थियो । पछि ती किशोरीका परिवारले नचाहे पछि घटनाले अर्कै मोड लिएको हो ।’

उक्त दिन साँझ खड्गकोटमा काम गर्ने शेषबहादुर कार्की र ती किशोरीलाई अर्कै स्थानमा जुटाउने काम कार्की परिवारका एक सदस्यले गराउँछिन् । पाहुनाका रुपमा आएकी ती किशोरीलाई त्यस घरबाट अर्को घरमा लगिन्छ । त्यहाँ ती दुवैको भेट गराईन्छ । ती किशोरीले प्रहरीमा दिएको वयान अनुसार कार्कीले त्यस रातको विहानपख उनलाई जवरजस्ती करणी गर्छन ।

त्यहाँबाट भगाएर करिव २ घण्टाको बाटो हिडालेर कोटकटेरी भन्ने स्थानमा लगेर पनि करणी गर्छन । त्यस पछि ती किशोरीका परिवार पुगेर उनिहरुलाई छुटाउँछन् । लगत्तै घटनाले अर्को मोड लिन्छ । एक्कासी आरोपित कार्कीको घरमा प्रहरी पुग्छ । उनको हातमा हतकडी लगाईन्छ ।

हतकडी लगाउँदा पनि कार्की भन्छन् ‘म उसलाई (ती किशोरीलाई) जेल परेर फर्किए पछि पनि छोड्न सक्दिँन, चाहे उ त्यति वेला जुन जात संग जाओस्…’ यो अभिव्यक्तिले कार्कीले ती किशोरीलाई गहिरो माया गर्दो रहेछन भन्ने बु्झ्न सकिन्छ । त्यस्तै उनि पहिलो जवरजस्ती करणी सहेरै त्यहाँबाट उनी कार्की सगै त्यति लामो बाटो हिडेर गफ गर्दै गएको बुझ्न सकिन्छ ।

यदि नसहेको भए उति वेलै चिच्चाएर गुहार माग्न सकिन्थ्यो किन कि त्यो पहिलो स्थान वाग्लो गाउँ वस्ती भएको घर–गोठ थियो । जव दोश्रो पटक कार्कीैको करणीमा पर्छिन र परिवारजन आउँछन् तव उनलाई लगेर ‘कन्भिस’ गरिन्छ तव घटनाले यति ठुलो रुप लिएको स्थानियको बुझाई छ ।

यी दुईलाई भागी विवाह गराउने आरोपमा उनकी सहोदर दिदी र भिनाजुलाई समेत भोली जिल्ला प्रह्री कार्यालयमा बोलाईएको बताईन्छ । कानुन एकाति गाउँघरे चलन अर्कोतिर । यसर्थ पनि कानुनले ब्यवहारिक पक्ष नर्हेने भएकोले उमेर नपुगेको केटा वा केटी संग आफ् खुशी विवाह गर्न पनि हु्ँदैन र कसैले विवाह गराई दिन पनि हुँदैन ।

ति किशोरीको उमेर कम भएकोले कार्कीका परिवाजन अफ्ठ्यारोमा परेका छन् । कार्कीद्धारा भागी विवाहको प्रयासः अन्ततः जवरजस्ती करणी सम्मको उजुरी बन्न पुगेको कार्की परिवारको दावी छ भने किशोरीका परिवारजन जवरजस्ती करणी कै जिकिर गरेर उजुरी दिएको जिल्ला प्रहरी कार्यालय मु्द्धाफाँटका प्रहरी सहायक निरीक्षक सत्यनारायण यादव बताउँ छन् । ब्यवहा्िरक पक्ष जे भए पनि नावालिका भएकोले जवरजस्ती करणीको मुद्धा अगाडी बढ्न सक्ने यादवको भनाई छ ।

फेसबुकमार्फत कमेन्ट गर्नुहोस !