Menu

एकीकृत अखिल शिक्षक संगठन बागलुङको जिल्ला व्यापी अभियान !

बिमल खड्का, बुर्तिवाङ २०७४ चैत ४ । नेकपा माओवादी केन्द्र निकट एकीकृत अखिल नेपाल शिक्षक संगठनले आफ्नो संगठनमा रहेका शिक्षकलाई जागरुक तथा शिक्षकहरुलाई साङ्गठित गर्नेअभियानलाई जिल्लाभर त्रिव्रताका साथ अगाडी बढाएको छ।

एकीकृत अखिल शिक्षक संगठन बागलुङ जिल्ला अध्यक्ष नगेन्द्र खरेलका अनुसार अभियान बागलुङ जिल्लाका सबै स्थानीयतहरुमा संचालन भईरहेको छ ।
निष्क्रिय रुपमा संगठनमा रहिरहेका शिक्षकहरुलाई सक्रिय रुपमा जागरुक बनाई शिक्षक पेशागत हित र बिकासमा लाग्ने बिश्वासका साथ नगरपालिका तथा गाउँपालिका स्तरीय बैठक तथा प्रशिक्षण कार्यक्रम गरिरहेको उनले बताए ।

उनले भने जिल्लाका १० वटा स्थानीय तह मध्ये निसीखोला, तमानखोला र बडीगाड गाउपालिका तथा ढोरपाटन र गल्कोट नगरपालिकामा कार्यक्रम सम्पन्न भैसकेकोले अब बाकी ५ वटा स्थानीय तहमा लगत्तै कार्यक्रम गरिने जानकारी दिए ।

शिक्षकहरुलाई जागरुक बनाउन यस्ता खालको कार्यक्रमले पृष्ठपोषण प्रदान गर्ने भन्दै राज्यले दिएको सेवा सुविधालाई मध्यनजर गर्दै शिक्षण पेशा गरिरहेका शिक्षकहरुको पेशागत हक हितमा भईरहेका समस्या तथा गुनासोहरुलाई संकलन गरि शिक्षक महासंघमा पुर्यााई त्यसको निराकरणको बाटोमा जाने एकीकृत अखिल शिक्षक संगठनका सचिव वीर बहादुर चोखालले बताए ।

बिस्तारित बैठक तथा प्रशिक्षण कार्यक्रमहरु बागलुङ जिल्लाका १० वटा स्थानीय तहमा हुने भन्दै समाजवादी शिक्षा नीति , समाजवादी क्रान्तिको आधार , ट्रेड युनियन अधिकार , बामपंथी शिक्षक एकता र शैक्षिक बिकास, गाउँ तथा नगरपालिका भेटघाट को मुख्य नारासहित बिस्तारित बैठक जिल्ला भरी संचालन गर्ने बताएको छ ।

स एकीकृत अखिल नेपाल शिक्षक संगठनस नगरपालिका तथा गाउँपालिकाको आयोजनामा जिल्ला समन्वय बागलुङको संयोजनमा गरिएको कार्यक्रममा शिक्षकका पेशागत हक हित तथा शिक्षण पेशामा कसरी गुणात्मक बिकास गर्न सकिन्छ भन्ने विषयमा प्रशिक्षण गराईने संगठनका बरिष्ठ उपाध्यक्ष जित बहादुर थापाले बताए ।

फेसबुकमार्फत कमेन्ट गर्नुहोस !

Leave a Reply

Your email address will not be published. Required fields are marked *