व्राम्हण वाहुल्य गाउँमा शिक्षाको ज्योति छर्ने दलित…(तस्वीर)

प्रेम सुनार, गुल्मी, २०७४ फागुन ३ । दलित समुदायहरु शिक्षा दिक्षामा खासै चाहना राख्दैनन् भन्ने हाम्रो ग्रामिण समाजको मान्यता थियो । आज भन्दा केहि वर्ष अघि सम्मको त्यही मान्यता गलत सावित गरी दिएका थिए गुल्मी अर्खले भुवनपानी गाउँका स्वर्गिय छविलाल बिश्वकर्माले । त्यो पनि आज भन्दै झण्डै ७० वर्ष अघि विश्वकर्माले व्राम्हण समुदायको वाहुल्य रहेको त्यस गाउँमा एक्लेले विद्यालय स्थापना र शिक्षकलाई समेत आफैले तलव खुवाएर २००६ सालमा पहिलो पटक त्यहाँका वालवालिकालाई पठन पाठनको सुविधा उपलव्ध गराएका थिए ।

२००६ साल देखि लगतार २०१० साल सम्म एक्लैले प्राथामिक तह सम्मको विद्यालय चलाएका बिश्वकर्मालाई त्यस पछि भने सवै गाउँवासीले साथ दिएका थिए । २०२९ सालमा तत्कालिन जिल्ला शिक्षा कार्यालयबाट जनसहयोग प्राध्यामिक विद्यालयका रुपमा सम्बोधन भए पछि क्रमशः निमावि हुँदै अहिले माध्यामिक विद्यालय बनेको हो ।

स्वर्गिय बिश्वकर्मालाई त्यस विद्यालयले संस्थापकका रुपमा सम्मान र स्मणरण गर्ने गर्दछ । उनैं सस्थापक विश्वकर्मालाई हालै सम्पन्न ४५ औं वार्षिकोत्सवको अवसरमा शव्द सम्मान अर्पण गरियो । श्रीपाली थरका उनका छोरा नातीहरुले त्यस अवसरमा स्वर्गिय पिता हजुर वुवाको स्मृतिमा त्यहाँका सम्पुर्ण दलित विद्यार्थी र अन्य समुदायका गरिव जेहेन्दार १ सय ९० जना विद्यार्थीहरुलाई कापी कलम लगायतको शैक्षिक सामग्री प्रदान गरेका छन् । स्वर्गिय बिश्वकर्माको स्मृतिमा त्यस विद्यालयमा नयाँ वर्षको अवसरमा प्रवेशद्धार निर्माण लगयातका विभिन्न कार्य पनि अगाडी बढाईने उनका पलाती राजन श्रीपालीले बताए ।

शैक्षिक सामग्री वितरण गर्दै स्वर्गिय छविलाल बिश्वकर्माका परिवारजन

फेसबुकमार्फत कमेन्ट गर्नुहोस !

Leave a Reply

Your email address will not be published. Required fields are marked *