बामशक्ति दुई तिहाई बहुमतका साथ स्थायी सरकार निर्माणका लागि आतुर : दीनानाथ शर्मा

लोकेन्द्र निरासी, बुर्तिवाङ २०७४ कात्तिक २४ । देशको समृद्धि र स्थायी सरकार निर्माणका लागि वृहद बाम गठबन्धनका साथ निर्वाचनमा होमिएको, माओवादी केन्द्रका केन्द्रिय नेता तथा पूर्व मन्त्री दीनानाथ शर्माले बताएका छन् । आज बुर्तिवाङ बजारमा आयोजित बामगठबन्धनको बृहत् चुनावी सभालाई सम्वोधन गर्दै देशभर टुट फुटको राजनीतिमा छितरिएका बामपार्टीहरु समय सन्दर्भ र जनताको माग अनुसार एक ठाउँमा आएको बताउँदै शर्माले, देशको मुहार फेर्नका लागि बाम शक्ति नै जनताको सारथी हुने बताए ।

नेपालको निरंकुश राणा, पञ्च्यायत र राजतन्त्र फाल्न रगतको आहुति सहित बलिदानीपूर्ण आन्दोलनको रक्षार्थ , नेपालका बामपार्टीहरु एकतावद्ध भएको बताउदै शर्माले अव नेपालमा बाम शक्तिले दुई तिहाई बहुमतका साथ जनताको चाहना अनुसारको स्थायी सरकार निर्माणका लागि आतुर रहेको बताए ।

नेता शर्माले, यो देशका ६५ प्रतिशत बाम जनमत रहेको ठाउँमा ३५ प्रतिशत मत रहेको काँग्रेसले राजकाज चलाएर राज्यको यो हाल बनाएको आफूहरुले नजिकबाट महसूस गरेको बताए ।

नेता शर्माले हिजो टुटफुट र तितरवितर भएका शक्ति अव एकवद्ध भएपछि राज्य लुटको राजनीति र अस्थिरताको फाइदा उठाउने शक्तिहरु हार्ने र जनताको जनजीविकाको लागि बलीदानीपूर्ण आन्दोलनबाट आएका बामपार्टीहरु देशको बागडोर हातमा लिन तयार भएको दावीसमेत गरे ।

नेकपा एमाले प्रदेश नं. ४ का ईञ्चार्ज गणेश तिमिल्सिनाले, देशभर विभिन्न विचार समुह खडा गरेर कम्युनिष्ट राज्य व्यवस्था बनाउने भन्दै छरिएका पार्टीहरु अव, एकतावद्ध भएर देश र जनताको आसा र अभिलासाका पात्र भएर देखाउने बताए । अबको निर्वाचनमा सबै बामपार्टीहरु सचेत भएर जनतामाझ लोकप्रिय राज्य सञ्चाmन गरि देश विकासमा लाग्ने प्रतिवद्धता सहित निर्वाचनमा होमिएको उनले बताए ।

यस्तै कार्यक्रममा राष्ट्रिय जनमोर्चाका केन्द्रिय सदस्य तथा बागलुङ जिल्ला समन्वय समितिका संयोजक राजेन्द्र ढुँगानाले, बामगठबन्धन भएको खवरले काँग्रेस अत्तालिएको र चुनावी सभामा बरबराउन थालेको टिप्पणी गर्दैे देशको प्रधानमन्त्री जस्तो व्यक्ति र आजसम्म राजकाज चलाएको पार्टी काँग्रेसका सभापति शेरबहादुर देउवाले चुनावी खुराक अरु केही नभएर कम्युनिष्टहरुलाई गाली गलौज गर्न उद्धत भएको आरोप लगाए ।

यस्तै कार्यक्रममा बागलुङ जिल्लाको क्षेत्र नं. २ मा प्रतिनिधि सभा उमेदवार देबेन्द्र पौडेल र २ नं. निर्वाचन क्षेत्र अन्तरगत प्रदेश नं. २ बाट प्रदेश सभा सदस्यका उमेदवार टेकबहादुर घर्तिले बामपार्टिहरुले समग्र जिल्ला तथा आ आफ्ना प्रदेशमा जनताका समस्या बुझेर वृहद योजना निर्माण गरि जनहितका कार्यक्रमहरु गाउँ गाउँमा लैजाने योजना कार्यान्वयन गर्ने प्रतिवद्धता जनाएका थिए ।

कार्यक्रममा ढोरपाटन नगरपालिकाका प्रमुख देबकुमार नेपाली, अखिल नेपाल महिला संघ क्रान्तिकारीका जिल्ला अध्यक्ष कुशुम बुढाले मन्तव्य राख्दै कम्युनिष्ट पार्टिमा लाग्ने भनेको जनताको दुख सुख सँग हातेमालो गर्नु हो । जनताकै छोरा छोरी वास्तविक जनताको वरी परि रहनेभएकाले आफ्ना भाई छोराहरु बाम गठबन्धनका साथ चुनावमा आएकाले जनताले देबेन्द्र पौडेल र टेकबहादुर घर्तिलाई मतदान गर्न आग्रह गरेका थिए ।

कार्यक्रममा रक्तिम साँस्कृतिक अभियानका अध्यक्ष तथा जनवादी गायक जीवन शर्मा तथा लोकदोहोरी गायक विष्णु खत्रीको समेत प्रस्तुती रहेको थियो ।

निसी भुजी तमान तथा बडीगाड क्षेत्रबाट तीनवटै पार्टीका कार्यकर्ता जनता उपस्थित रहेको ¥याली बजार परिक्रमा गरि सभामा परिणत भएको थियो ।

कार्यक्रम नेकपा माओवादी केन्द्र ढोरपाटन नगर अध्यक्ष चन्द्रलाल अर्यालको अध्यक्षता, नेकपा एमालेका जिल्ला कमिटि सदस्य ददीराम शर्माको स्वागत मन्तव्य तथा अखिल छैठौंका केन्द्रिय महासचिव भिमलाल पोखरेलले सञ्चालन गर्नुभएको थियो ।

फेसबुकमार्फत कमेन्ट गर्नुहोस !

Leave a Reply

Your email address will not be published. Required fields are marked *