ज्यानमुद्दामा जन्मकैदको सजायँ पाएका माओवादी नेता ढुंगेल पक्राउ

काठमाडौँ २०७४ कात्तिक १४ । बाह्र वर्ष पछी पाप धुरीबाट कराउँछ भन्ने नेपाली उखान आज चरितार्थ भएको छ । आज बिहान प्रहरीले ज्यानमुद्दामा जन्मकैदको सजायँ पाएका माओवादी नेता बालकृष्ण ढुंगेललाई प्रहरीको केन्द्रीय अनुसन्धान ब्यूरो सिआइबीको टोलीले सात डोबाटोबाट पक्राउ गरेपछी यो उखान चरितार्थ भएको हो ।

फरार अपराधीको रुपमा घोषित माओवादी नेता ढुंगेललाई १२ वर्ष अघी जिल्ला अदालत ओखलढुंगाले सज्जनकुमार श्रेष्ठको हत्याकाण्डमा दोषि ठहर गर्दै जन्म कैदको फैसला गरेको थियो ।

ढुंगेललाई माओवादी नेताहरुको दबाबका कारण प्रहरीले पक्राउ गरेको थिएन । प्रहरी महानिरीक्षक प्रकाश अर्यालविरुद्ध अदालतको अवहेलनाको मुद्दा समेत परेको छ ।

काठमाडौ जिल्ला अदालतको आदेशले ढुंगेललाई सदर खोर डिल्लीबजार चलान गरिएको छ । अदालतका अनुसार ढुंगेल १२ वर्ष पाँच महिना २२ दिन जेल बस्नु पर्नेछ । ढुंगेलले पक्राउ परेपछी माओवादी भित्र खैलाबैला मच्चिएको छ ।

यसैवीच माओवादीले ढुंगेलको जीवन रक्षाको माग गरेको छ ।

फेसबुकमार्फत कमेन्ट गर्नुहोस !

Leave a Reply

Your email address will not be published. Required fields are marked *