जस्को मृगौलामा पनि ढुंगा ! बुर्तिवाङका डाक्टरहरुको दिमाग बिग्रिएको हो कि, अल्ट्रासाउण्ड मेशिन ?

बुर्तिवाङमा अल्ट्रासाउण्ड गर्दा मृगौलामा ढुंगा देखिने पोखरा/काठमाडौँमा गर्दा नदेखिने किन ?

बुर्तिवाङ २०७४ भदौ ४ । बागलुङ जिल्लाको सदरमुकाममा मात्रै नभएर ठाउँठाउँमा सरकारी एवं निजीस्तरबाट स्वास्थ्य चौकी, स्वास्थ्य केन्द्र र अस्पताल (हस्पिटल) रिचर्स सेन्टर संचालित छन् । सरकारीस्तरबाट सन्चालित स्वास्थ्य निकायहरुबाट प्रवाह गरिने सेवा सुविधाहरुका बारेमा प्रचार प्रसार गरी जनतालाई सुसूचित गर्ने त्यत्ति चलन नभएपनि निजीस्तरबाट खोलिएका अस्पताल (हस्पिटल), रिसर्च सेन्टर र औषधि पसलेहरु समेतले भने त्यहाँ उपलव्ध हुने सेवा, सुविधाहरुका सम्वन्धमा बढाईचढाई व्यापक प्रचार प्रसार गरिरहेका छन् ।

यस्तै बुर्तिवाङका एफएम रेडियोहरुबाट प्रसार गरिने एक अस्पतलालको विज्ञापनलाई सुनेर विश्वास गर्ने हो भने यहाँका विरामीहरु बाहिरी देश जाने कुरा छोडौँ, अमेरिकाका रोगीहरु पनि निदानका लागि यहाँ उपचार गर्न आएहुन्छ भन्ने भ्रममा नपरिएला भन्न सकिन्न ।

अर्कोतिर महंगो उपचारका कारण सर्वसाधारणको ढाडै भाँचिएको छ । सय रुपयाँको औषधिले निको हुने रोग हजारौँ रुपयाँको औषधि प्रेस्क्राइव (भिडाउने)गरिन्छ । त्यतिमात्र होईन, खुट्टाको उपचार गर्न गएको बिरामीलाई अल्ट्रासाउण्ड गर्न लगाईन्छ । बुर्तिवाङमा सन्चालित स्वास्थ्य संस्थाहरुमाथी पछिल्लो समय यस्तै आरोप लाग्न थालेको छ ।

यहि २०७४ असार १ गते पेट दुखेर बुर्तिवाङ उत्तरगंगा अस्पताल प्रालिमा जचाउन पुगेका बुर्तिवाङ स्थित सामुदायिक रेडियो परिवर्तनका अध्यक्ष एवं पत्रकार ३४ वर्षिय लोकेन्द्र निरासीलाई त्यस अस्पतालका विशेषज्ञ डाक्टर अशोकचन्द्र श्रेष्ठले अल्ट्रासाउण्ड गरे । उनले निराशीका दुबै मृगोलामा दुई दुई वटा ढुंगा भएको बताउदै त्यस्को साईज पनि लेखे । दाहिने मृगौलामा ४ एमएम र ३ एमएमका र देब्रे मृगौलामा ३ एमएम र २ एमएमका दुई टुक्रा ढुंगा भएको भन्दै औषधि लखेर दिए ।

पत्रकार निरासी भन्छन्. ‘साउन २२ गते सम्म औषधि प्रयोग गरिरहेँ तर ‘दशको नौ’ नभएपछी बुर्तिवाङ स्वास्थ्य केन्द्रमा जचाउन पुगें । केन्द्रका डाक्टर सुनिल कुमार जयसवालले पनि भीडीयो एक्सरे गरे । त्यहाँको परीक्षणको रिपोर्टमा दुबै मृगौलामा दुई नभै एक एक ढुंगा भएको र त्यस्को साईज दाहिनेको ५ र देब्रेको ६ एमएम देखिएपछी म मानसिकरुपमा तनावग्रस्त बनेँ ।’

‘डेढ महिना भित्रै ढुंगाको साईज दोब्बर बढेको रिपोर्ट आएपछी म निरासीमात्र नभएर अरु जो पनि तनावमा परेर निरास हुनु पर्ने अवस्था हुन्छ ।’

‘त्यसपछी के गर्नु भयो त ?’

तुरुन्तै पोखरा फेवासिटी अस्पतालमा पुगेर मृगौला परीक्षण गराएँ ।

कस्तो आयो त रिपोर्ट ?

‘त्यहाँको परीक्षण रिपोर्टमा मृगौलामा स्टोन देखिएन । डाक्टर साहेवहरुले दुबै मृगौला राम्रो रहेको बताउनु भयो ।’

त्यसपछी ?

‘बुर्तिवाङमा दुई ठाउँमा अल्ट्रासाउण्ड गर्दा मृगौलामा ढुंगा देखियो, यहाँ देखिएन, म कसरी विश्वस्त बनौँत’ भन्दा मृगौला परीक्षण गर्ने अहिले अर्को प्रविधी IVU RADIOLOGY पनि छ तपाईँलाई शंका छ भने त्यो पनि परीक्षण गरेर ढुक्क भएर जानुस भनेर डाक्टरहरुले भने पछी त्यो पनि गराएँ, रिपोर्ट राम्रो आयो । ग्यास्टिकले पेट दुखेको रहेछ त्यस्को उपचार गरी अहिले बुर्तिवाङमा फर्किएको छु । हेर्नुहोस बुर्तिवाङमा गरेको अल्ट्रासाउण्ड रिपोर्ट र फेवासिटी पोखरामा गरेको रिपोर्ट…’

अहिले तपाई के फिलिङ गरिरहनु भएको छ त भन्ने प्रश्नमा निरासीको जवाफ थियो पैँतिस/चालिस हजार खर्च भएको भन्दा पनि बुर्तिवाङको रिपोर्टले मानसिक तनाव दियो । मजस्ता कति विरामीहरु गलत डायग्नोशिसको मारमा परेर अज्ञानतवस जीवनसंग खेलबाड गरिरहे होलान भन्ने चिन्ता लागि रहेको छ ।

निरासी मात्रै नभएर गत २०७३ साल जेठ महिनामा बुर्तिवाङ उत्तरगंगा अस्पतालमा पेट दुखेर उपचार गर्न पुगेकी खुंगाकी १६ वर्षिया पुनम सुनारको अल्ट्रासाउण्ड गरेर मृगौलामा ढुंगा छ भनि औषधि खुवाईएको थियो । तर उनलाई निको हुनुको साटो झनै च्याप्न थालेपछी उनी पोखराको फेवासिटीमा देखाउदा मृगौलामा ढुंगा छैन भनेको र त्यसपछी काठमाडौ शिक्षण अस्पतालमा गएर देखाउदा मृगौलाको समस्या नभै अन्य कारणले पेट दुखेका पत्ता लगाएर औषधि खाएपछी निको भएको थियो ।

यी त प्रकाशमा आएका दुई उदाहरण मात्र हुन् । यी दुई घटनाहरुबाटै अनुमान गर्न सकिन्छ निसीभूजीका सिधासाधा जनताहरु उपचारका नाममा कति शोषित पीडित बनेका होलान ।

हेरौँ निरासीको मृगौला परीक्षणको रिपोर्ट


यो रिपोर्ट हो बुर्तिवाङ उत्तरगंगा हस्पिटल प्रालिको ।

यो रिपोर्ट हो बुर्तिवाङ स्वास्थ्य केन्द्रको ।

यो रिपोर्ट हो फेवासिटी अस्पताल पोखराको ।

प्रश्न उठ्छ के बुर्तिवाङ उत्तरगंगा अस्पताल र बुर्तिवाङ स्वास्थ्य केन्द्रमा रहेका दुबै अल्ट्रासाउण्ड मेशिनले मृगौलामा ढुंगामात्र देखाउछ ? त्यसो होईन भने, फेवासिटी अस्पतालको मेशिनमा किन देखिएन ? विषय गम्भीर छ, यस्को अनुसन्धान (जाँच) गरिनु पर्छ । मानव जीवनसंग खेलबाड गर्ने स्वास्थ्य संस्था र त्यस्मा कार्यरत स्वास्थ्यकर्मीमाथी छानविन गरी यस्को सहि निराकरण हुनु जरुरी छ । जनताको स्वास्थ्यमाथि भैरहेको चरम लापर्बाही शोषण प्रति जनप्रतिनिधीहरु र प्रशासनिक निकाय टुलुटुलु हेरेर बस्न हुन्न भन्दै स्थानीयवासीले कार्बाहीको माग गरेका छन् ।

फेसबुकमार्फत कमेन्ट गर्नुहोस !

2 Comments

  1. Dr sunil jaiswal

    Burtibang jasto bhaugolik roop le bikat chetra ma bisesagya Dr sahit ko aspatal ko awasyakta cha. Hamile nirantar prayas garda pani mantralaya le yahako prathamik swasthya kendra lai aspatal ma roopantaran garna sakeko chaina. Bisasagya Dr haru Durgam ma aauna pni hichkichauchan, tesaile ma jasto medical officer le samporna sewa dina badhya hunchau. Ma medical officer vayeta pni CS ( prasuti salyakriya) USG , 24 hr emergency, opd , minor surgical procedures afno gyan ra sip le vyaye samma sab sewa dina badhya vayeka chau. Nirasi sir lai maile prasta roop ma ma bisesagya haina, yaha ko USG machine pni teti ramro chaina bisesagya (Radiologist ra Surgeon) lai dekhaunus vaneko thiye, taipani uhale 1 palta herdinus bhani agraha garda maile USG garda je dekhe tei report lekhe, upachar pachi stone niske pni huna sakcha, uhako upachar garera malai kehi byaktigat upalabhdi pni hudaina. birami ko jyan jokhim ma parne kunai pni upachar maile gareko chuina ra gardina pni. Adha tathya lekhera samachar lai rochak banaunu bhanda samporna tathya lekhnu vako vaye ramro hunthyo hola. Nirasi Ji ko sighra swastgya labh ko kamana gardai yas chetra ma yathasighra bisesagya radiologist, physician, surgeon, gynaecologist, cardiologist tatha anya bisesagya pathaidina agraha gardachu.
    Kehi mahina agadi 3 mahinaki gavawati mahila pet dukhera hamro Phc ma ayeki thiyin, USG garera herda bacha patheghar bahira rahera dherai raktashyab vayeko dekhe(ruptured ectopic pregnancy), turunta palpa refer garera samaymai operation vayeko hunale unko Jyan bachyo.testai 6 barsa ki 1 keti bigat 1 barsa Delhi pisab ko infection vayera nirantar medical bata aausadi khairaheki thiyin, hamle USG gardai 10mm ko kidney stone dekhyau ra refer garyau, kathmandu ma pani testai dekhiyeko le unle sahi upachar payin. Hami le yes Phc ko simit shrot ra sadhanle operation garera bachayeka thuprai ama ra bacha haru chan. Patrakar mahodaya, yesari samajik sanjal ma news rakhnu agadi sambandhit nikayama ujuri dinuvayeko vaye yes case ko bisesagya dwara jaach vayi jantale Purna satya thapaune mauka pauthe. Baigyanik jaach binako yesto news le hami sewapradayak lai nirutsahit ra janta lai vramit banaunu bahek aru kei kaam gardaina.

Leave a Reply

Your email address will not be published. Required fields are marked *