कार्यालय सहायकको बदमासी भेट्टिए पछी जेटिएको परीक्षा स्थगित !

महेन्द्र केसी, पर्वत, २०७४ साउन १७ ।कार्यालय सहायकले प्रश्नपत्रमा छल गरेपछि यहाँको एक प्राविधिक शिक्षालयमा सुरु भएको प्रवेश परीक्षा नै स्थगित भएको छ । कुश्मा–११ स्थित पकुवाको वीरेन्द्र प्राविधिक शिक्षालयका कार्यालय सहायक गणेश पौडेलले आफै प्रश्न बनाएर बाहिरि¥याएको पुष्टि भएपछि परीक्षा नै स्थगित भएको छ ।

प्राविधिक शिक्षालयमा ९कृषि प्राविधिक० जेटिएको प्रवेश परीक्षा गत मंगलबार तोकिएको थियो । परीक्षा लिदै गर्दा कार्यालय सहायकले प्रश्नपत्र बनाउने र आफै आउट गरेको पाएपछि रद्द गरिएको जिल्ला शिक्षा कार्यालयका बिद्यालय निरीक्षक हिमलाल लामिछानेले बताए ।

‘कार्यालय सहायकले सिटिइभिटिबाटै प्रश्न आएको बताएपछि विश्वास गरेका थियौ तर उता सम्पर्क गर्दा प्रश्नपत्र नै बनाएर नपठाएको खबर आयो’ लामिछानेले भने–‘धाँधली हुन लागेको पाएपछि परीक्षा नै रद्द गरेका छौ ।’ उनले रद्द गरेको परीक्षा भोली ९बुधबार०का लागि राखिएको पनि जानकारी दिए । कार्यालयले तोकेको अधिकृत प्रतिनिधिसहित प्राविधिक शिक्षालयका अध्यक्ष र सम्बन्धित बिद्यालयका प्राचार्य गरी तीन सदस्यीय समिति प्रवेश परीक्षाका लागि तोकिने ब्यवस्था रहेको छ । लामिछानेलाई शिक्षाले प्रतिनिधि तोकेर पठाएको हो । उनी त्यसक्षेत्र हेर्ने बिद्यालय निरिक्षक पनि हुन । परीक्षा सुचारु गरेको केही मिनेटमै कार्यालय सहायकबाट नक्कली काम भएको पुष्टि भएपछि आफुले धाँधली रोकेर परीक्षा स्थगित गरेको बताए । बिद्यालय निरिक्षक लामिछानेले आफ्नो मुख्य उद्देश्य भनेको प्राविधिक शिक्षालयमा सक्षम ब्यक्ति नै छनौट होस् भन्ने रहेको बताए ।

‘धाँधली हुनबाट रोक्ने प्रयास गर्दा नकारात्मक आक्षेप लागेको छ’ उनले भने–‘केही ब्यक्तिले परीक्षा किन रोकिस् भनेर धम्की नै दिएका छन ।’ प्राविधिक शिक्षालयका ब्यवस्थापन समितिका अध्यक्ष रमेशबम मल्लले प्राविधिक शिक्षालयमा ४० जनाको कोटामा १ सय १० जनाको दरखास्त परेको र प्रवेश परीक्षामा कार्यालय सहायकबाटै गलत काम भएको पाएपछि सुचारु भएको परीक्षा पनि स्थगित गरेर बुधबारका लागि राखिएको बताए । प्रवेश परीक्षाको प्रश्नपत्र तीन सदस्यीय समिति वा सिटिइभिटीले बनाउने प्रावधान छ । तर, कार्यालय सहायकले प्रश्नपत्र सिलबन्दी भएर सिटिइभिटीबाट आएको दाबी गर्दै परीक्षा सुचारु गराएको शिक्षालयको भनाई छ ।

मंगलबार शिक्षा कार्यालयको प्रत्यक्ष निगरानीमा तीन सदस्यीय समितिले नयाँ प्रश्नपत्र तयार गरेको छ ।

फेसबुकमार्फत कमेन्ट गर्नुहोस !

Leave a Reply

Your email address will not be published. Required fields are marked *