गुल्मीमा अडियो आतंकको चार फायरः कति जायज कति नजायज ?

प्रेम सुनार,

अडियो आतंकको पहिलो फायरः

गुल्मीको रुरु गाउँपालिकामा कांग्रेस माओवादीका संयुक्त गाउँपालिका प्रमुख उमेदवार यदु ज्ञवालीलाई हराउनका लागि एमाले समर्थकले मौन अवधी सुरु भए पछि पहिलो अडियो फायर खोलेका हुन् । त्यस अघि ज्ञवाली पक्षधरले गाई काट्ने काण्डलाई फेशवुकवाजी गरी रहेका थिए ।

दोश्रो फायरः

मतगणना सकिएर मतगणना स्थलमा लैजाने वेलामा मदनाने गाउँपालिकामा एमाले नेत्री रामकुमारी झाँक्रिलाई मुछे कांग्रेस र माओवादीहरुले । एक पक्षिय रुपमा आएको त्यो समाचारले झाँक्रिलाई तनाव हुनु स्वभाविक थियो । कांग्रेसका कार्यकर्ता माथी झाँक्रिको नेतृत्वमा एमालेका कार्यकर्ताहरुले छुरा प्रहार गरेको समाचारका सम्वन्धमा झाँक्रिको प्रतिकृया समाचारदाताले मात्र हा्ेईन डेक्सले समेत माग्न खोज्दा टेलिफोन सम्पर्क नभएको बुझिएको छ । तर घानमा परे पुर्कोटदहका शिक्षक वोमबहादुर कुँवर र मानव स्वभाव न भैहाल्यो फोनमा नेतृ झाँक्रिको त्यो आक्रोष र शव्द आउनु स्वभाविक हो । जसलाई सामाजिक सञ्जालमा सार्वाजानिक गरेर झाँक्रिलाई बदनाम गराउने दुश्प्रयास गरियो । जुन घटनाले देश व्यापी चर्चामा रहे भेजबहादुर सर । गित पनि आयो डाँडै फुर्के सल्लो , भोज सरको गाउँ त चिने घर चिन्न सकिन वल्लो हो कि पल्लो ।।।।

तेश्रो फायरः

रेसुङ्गा नगरपालिकामा कांग्रेसले पत्रकार सम्मेलन गरेरै खोल्यो । जुन फायर एमालेका एक नेतालाई ध्वस्त पार्ने गरी खोलिएको थियो । किनकी चुनाव एमालेका ती उमेदवारको वलले जितेका थिएनन् त्यसको सारथी थिए तिनै नेता । झण्डै २५ वर्ष देखि कांग्रेसको किल्ला उनकै वलमा तोडिएको थियो । त्यस विरुद्ध सवै कांग्रेसजन एकै ठाउँमा भएर ब्रस्ट फायर खोले । त्यस आक्रमणको पर्दा पछाडी कमाण्ड कांग्रेस सचिव खिलध्वज पन्थीले गरेको पाईएको छ भने पर्दा वाहिर सभापति भुवनप्रसाद श्रेष्ठ देखिए । त्यस आक्रमणमा परेका ती एमाले नेता गणेश श्रीपाली सामन्य घाईते भए , दुई दिनको सामान्य उपचार पछि दुश्मन विरुद्ध पुनः हतियार उठान सक्ने भए ।

चौथो फायरः

एमालेजनले कांग्रेसको आधा हिस्सा ध्वस्त पार्ने आधा हिस्सा बचाउने फौजी रणनितीका रुपमा फायर खोल्यो । त्यो आक्रमणबाट कांग्रेसका जिल्ला सचिव खिलध्वज पन्थी देखालो घाईते भए पनि त्यो भन्दा बढि घाईते उनका समर्थक बनेका छन् ।

कृपया मलाई त्यो पुरै अडियो उपलव्ध गराई दिनुस्ः पन्थी

यो फिचर लेख्ने बेला सम्म सचिव खिलध्वज पन्थीको घरमा चुलो बलेको छैन् । प्रेस विज्ञप्ती ल्याई दिन र त्यो पुरै अडियो खोज्न सहयोग गरी दिन पन्थीका सहयोगीहरुले आग्रह गरे पछि अहिले विहान म पन्थीको घरमा पुग्दा उनकी ९पन्थीकी० धर्म पत्नी डाको छाडेर रोईन् । दाजु मेरो श्रीमान त विरामी पर्दा पनि जुरुक्क उठेर पार्टी काममा खट्थ्यो , आज शत्रुले किन यस्तो आत्माघाती काम गरे ।। भन्दै डाको छाडेकी उनले पुरै अडियो खोजि दिन हात जोडिन् ।

कांग्रेस सचिव पन्थीले पनि हात जोडेरै पुरै अडियो खोजि दिन आग्रह गरे । उनले भने–‘ म विचलित भएको छैन तर मेरो परिवार र समस्त कांग्रेसजनमा आएको यो शोकलाई शक्तिमा वदल्न त्यो पुरै अडियो खोजि दिन म गुल्मीका सवै पत्रकारज्युहरुलाई विशेष आग्रह गर्दछु । ’

के छ त पुरै अडियोमा ?

पन्थीको भनाई अनुसार धेरै लामो घरयासी कुराकानी छ त्यस अडियोमा । काईली भाउजु उनि विरुद्धकी प्रमुख पात्र छिन् । दाजु भाई भन्नेहरु संग उनले मेरै सामु फोन गरे । भने–‘ हामीले एउटै दुधको लाम्टो चुसेका होईनौ र रु मैले पनि आमाको कृया गरेको होईन र रु यहि रगतको नाता रु एउटा भाईलाई ध्वस्त पार्ने राजनीति गरेर त्यो अडियो एमालेको कार्यालयमा बुझाउने रु ठिकै छ बुझाऔं तर पुरै हाल्न लगाऔ सामाजिक सञ्जालमा बल्ल म बाट आक्रोषित मेरा नेता र समस्त कांग्रेसजन संग म प्रस्तुत हुन सक्ने छु ।’

पन्थीले घरयासी कुराकानीमा भुवन दाई र शालिक दाईको विरोध आफ्ना ती परिवारमा भए पछि उनिहरुलाई थोरै शव्द तुच्छ शव्द बोल्नु परेको स्वीकार गरे । तर मेयरलाई छाडेर अरुमा भोट हाल जस्ता कुराहरु अडियोलाई काँटछाँट गरेर जोडिएको उनको दावी छ । प्रेमले सय भोटले हाँदैंछ… भन्ने बाक्यलाई प्रेमले शव्द त्यतै राखेर… ले हार्दैछ लाई काटेर उता लगिएको उनको दावी छ । उनले प्रेस विज्ञप्ती मार्फत यस घटनालाई विपक्षीद्धारा सिङ्गो पार्टी माथी भएको आक्रमण भन्दै विचलित नभई सत्य तथ्यको खोजीमा लाग्न समस्त कांग्रेसजनलाई आग्रह गरेका छन् ।

कोही बाँच्न सकिएला ?

आत्माघाती वम जस्तो गुल्मीको यो अडियो आतंकका विषयमा हामीले एउटा लेख प्रकाशित गरेका थियौं । कांग्रेसजनले फायर खोलेको दोश्रो दिन त्यो लेख आए पछि कांग्रेसजनको तथानाम गाली गलौज सहनु परेको थियो । किनकी एउटा सञ्चारकर्मीमा सुचनाहरु धेरै आई रहेका हुन्छन् । सम्भावित अर्को अडियो आतंक हुँदैछ भन्ने संकेतका रुपमा त्यो लेख आएको थियो ता कि कुनै पक्षको बचाउ गर्ने नियत थिएन । तर खुव गाली गरियो । तर जव एमालेको चौथो फायर पछि त्यो लेखलाई कांग्रेसजनले चुम्नु चुमे । नेपाल विद्यार्थी संघका साथीहरुले निकै पढ्नु भएको त्यो लेखलाई पछिल्लो चरण सहि विष्लेशण भनेर प्रतिकृया दिनु भएको छ ।

‘माओवादीको गोली भन्दा एमालेको अडियो असरदार’

चौथो यो अडियो आतंक पछि पाका काग्रेसजनले दश वर्षे माओवादी द्धन्द्ध र वहुदलिय ब्वयस्था संग विपक्षी कम्युनिष्टहरु एमाले र माओवादीलाई स्मरण र तुलना गर्न थालेका छन् । पाका काँग्रेसजन भन्छन्–‘वहुदलिय व्यवस्था ताका एमाले र कांग्रेसको टक्कर थियो र यस्तै खालका आत्माघाती आतंकहरु हुन्थे । श्रीमान श्रीमति विच , वावु आमा र छोरा छोरी विचको सम्वन्ध टुटाउने कृयाकलाप हुन्थे ।

मान्छेलाई बाख्रो बनाएर म्यायु.. म्यायु… वोल्न लगाउने र घाँस हाल्न लगाउने , कतै छुरा प्रहार गर्ने , कतै एक अर्काको मलामी नजाने , विपक्षीकोमा मोरो प(यो भने प्रतिपक्ष रमाउनले जस्ता कृयाकलाप हुन्थे । तर जव दश वर्षे जनयुद्ध भयो तव माओवादीको आतंकका सामु कांग्रेस एमाले एकै ठाउँमा उभिएको शक्ति बनेको हो । जव २०७० पछि को चुनाव यता माओवादीलाई यिनै दुई शक्तिहरुले साईजमा ल्याएर मतान्तरमा धेरै पछाडी पारे तव फेरी कांग्रेस र एमाले विच पुनः २०४६ को जस्तै एक अर्कामा आत्माघाती खेलहरु सुरु भएको संकेत यो अडियो आतंकले देखाएको छ ।

माओवादीले वरु युद्ध नै घोषणा गरेर केहि हाम्रा साथीहरुलाई मा¥यो , कुट्यो त्यसको दुखाई भन्दा एमालेजनको यो पछिल्लो् अडियो आक्रमणका्े असर बढि भएको छ । एमालेका ति नेता माथी लक्षित आक्रमण पनि निन्दनिय छ । पैसा बुझेको भनिएका व्यक्तिले नै कसैको करकावमा अडियो काण्डा सार्वाजानि गरिएको खुलासा गरी सकेका छन् । काग्रेसले होस वा एमालेले दुवैले गरेको यो यो अडियो आतंक निन्दनिय छ । अडियो आतंक नै गर्ने हो भने पार्टी रहने त कुरै न गरौं अव श्रीमान श्रीमति , वावु आमा , छोरा छोरी कोही रहने छैनन् ।

म मेरै उदाहरण दिन्छु । पत्रकारिता सिकाउने प्रयासमा लागेको र मेरै मिडियामा जागिरको व्यवस्था समेत मिलाई दिएको एक जना भाईले केहि दिन पछि म नभएको बेलामा अरु साथीहरु संग ‘कता गयो प्रेमे’ भने छन् । साथीहरुले त्यो सुनाए । असाध्धै पिडा भयो । उमेरमा पनि म उसको अंकल हुँ । तर मैले सोचें म भन्दा सिनियरलाई पनि त मैले व्यक्तिगत वसाई र वोलाईको क्रममा सम्मुखमा गरिने सम्मान गरेर बोल्दीन नि रु यहि सोचेर चित्त बुझाएँ अनि ति भाईलाई भने आईन्द यस्तो नबोल्नु है । यो सत्य घटना हो , मेरा अरु साथीहरुलाई पनि सोध्नु होला ।

कहिले काँही श्रीमतिले श्रीमानलाई कहाँ मरे छ र हा कुन्नी…, उतै उसको लास सेलाए पनि हुन्थ्यो भन्छन् । के अव त्यसलाई पनि रेकर्ड गरेर सुनाई दिने ? मानव स्वभाव हो , प्राय: कुनै नेता मन्त्री वा कुनै वेसारधारी धार्मिक व्यक्ति होस् प्रायः कोही अछुतो छैन । फोनमा आज बसौ न मैया भन्नेहरु धेरै हुनुहुन्छ । मैयाँहरुले पनि आज आईजा न मोर के को-या…. भन्नेहरु पनि छन् त्यो पनि रेकर्ड गरेर सुनाऔ त हालत के हुन्छ ? यसर्थ यो आतंक वन्द गर । अन्तिममाः नचाहिँदो फाईरिङ्ग ग-या, सवैलाई चेतना भया, ठुलो शिक्षा मिल्या .. कि नमिल्या ? वस ….. शत्रुले आगो लगाईदिएको घर निभाउने कि घ्यू थपेर खरानी पार्ने ? यो जिम्मा तपाईहरु घरधनी कै हो ………!

प्रेम सुनार,
गुल्मी,२०७४ साउन ४ ।

खिलध्वज पन्थीको विज्ञप्ती:

फेसबुकमार्फत कमेन्ट गर्नुहोस !

Leave a Reply

Your email address will not be published. Required fields are marked *