पश्चिम क्षेत्र गीत संगीतमा धनी भएकोले लुकेर रहेका लोकनृत्यहरुलाई पनि उजागर गर्न प्रमुख नेपालीको आग्रह

बुर्तिबाङ डान्स सेन्टरको आयोजनामा सञ्चालित खुल्ला एकल नृत्य प्रतियोगिता सम्पन्न

बुर्तिवाङ २०७४ साउन २ । साउन १ गते सक्रान्तिका अबशरमा बुर्तिबाङ डान्स सेन्टरको आयोजनामा सञ्चालित खुल्ला एकल नृत्य प्रतियोगिता सम्पन्न भएको छ । कार्यक्रमका प्रमुख अतिथी ढोरपाटन नगरपालिकाका नगरप्रमुख देवकुमार नेपालीले उद्घाटन गर्दै नृत्यकला संस्कृति, स्वास्थ्य, शिक्षा र व्यक्तित्व विकाससँग जोडिने भएकोले यस्ता कार्यक्रमले मानिसको चौतर्फी विकास गर्न टेवा पुग्ने धारणा व्यक्त गरे ।

प्रमुख नेपालीले बागलुङको पश्चिम क्षेत्र गीत संगीतमा धनी भएकोले लुकेर रहेका लोकनृत्यहरुलाई पनि उजागर गर्न आग्रह गरे । कार्यक्रमका अवसरमा प्रमुख नेपालीले प्रथम, द्धितीय, तृतीय, चौँथो र पाँचौ स्थान हाँसिल गर्ने प्रतिस्पर्धिहरुलाई प्रति व्यक्ति नगद रु १ हजार सहित सम्मानित गरेका थिए ।

सो नृत्य प्रतियोगितामा यस क्षेत्रका १९ जना नृत्य प्रतियोगीहरुको सहभागिता रहेको थियो । प्रतियोगितामा स्मृति पुनमगर प्रथम, मनिषा भण्डारी व्दीतिय, सकिना खातुन तृतीय, कल्पना सुनार चतुर्थ र तुलसरा बुढाले पाँचौ स्थान हाँसिल गरेका थिए । प्रतियोगितामा प्रथम व्दितीय हुनेलाई क्रमश ७ हजार, ५ हजार र प्रमाण पत्र, तृतीय, चतुर्थ र पाँचौ स्थान हाँसिल गर्नेका लागि सेल्फि स्टिक, प्रमाण पत्र र मायाको चिनो प्रदान गरिएको थियोे ।

कार्यक्रममा ईलाका प्रशाशन प्रमुख जनक थापा, ईप्रका बुर्तिबाङ प्रमुख कृष्ण रानाको समुपस्थिती रहेको थियो ।

सो अवसरमा ढोनपा १ का अध्यक्ष चित्र भण्डारी, देबिस्थान माविका प्रअ किरण पौडेल, राजमोका प्रतिनीधि दल बहादुर भण्डारी, लगाएतको मन्तब्य व्यक्त गरेका थिए ।

बुर्तिबाङ डान्स सेन्टरका अध्यक्ष किसान थापाको अध्यक्षता भएको कार्यक्रम बुर्तिबाङ डान्स सेन्टरका प्रशिक्षक यादबराज भण्डारीको स्वागत सञ्चारकर्मी मिनू बिसी र प्रशान्त घर्तीको सञ्चालनमा सम्पन्न भएको थियो ।

तस्बीर: मिनु बीसी, बुर्तिवाङ

फेसबुकमार्फत कमेन्ट गर्नुहोस !

Leave a Reply

Your email address will not be published. Required fields are marked *