म्याग्दी जिल्लाको गुर्जा गाविसस्थित स्थानीय श्रोत र साधनको प्रयोग गरी निर्माण गरिएको जनकल्याण माध्यमिक बिद्यालयको भवन । तस्बीर-अगन्धर तिवारी म्याग्दी ।

बागलुङ जिल्लाको बोवाङ गाविस ९ ढोरपाटन स्थित ज्योति विकास निम्न माध्यमिक बिद्यालयमा अध्ययनरत विद्यार्थीहरु पीटी प्रदर्शन गर्दै । तस्बीर- किरण आचार्य/धौलाश्री ।

बागलुङ जिल्लाको रिघा गाविसमा प्रचलित थाल नृत्य गर्दै स्थानीय युवती । तस्बीर- नबीन सर्वुजा / धौलाश्री ।

बागलुङ अमरभूमी गाविस माझखर्कमा रहेको स्लेट (घरको पाली छाउने) ढुंगा खानीमा ढुंगा काट्दै स्थानीयहरु । यहाँका स्लेट ढुंगा कर्कट पाता जस्तै चिल्ला र राम्रा हुन्छन साथै यस्को मागपनि बढी छ । तस्बीर- किरण आचार्य/धौलाश्री ।

म्याग्दी सदरमुकाम बेनी बजार र पर्वतको मल्लाज जोड्ने काली गण्डकीको पुल । २०२३ सालमा यहाँ फाटफुट भट्टी पसल र एकदुई घरमात्र थिए । अहिले यहाँ घनावस्ती रहेको छ भने बसपार्क पनि यहिँ बनेको छ । यो ठाउँ कालीपुलको नामले पुकारिन्छ । तस्बीर बिख ।

चश्मा लगाएर सुन्दर देखिन कसलाई मन नलाग्ला ? डेढ बर्ष उमेर नपुग्दैको यो बालक, गौरव पिङमा बसेर चश्मा लगाउदै । तस्बीर- पवित्रा खडका, बागलुङ ।

२०७० बैशाख २३ गते सोमबारका दिन बागलुङ जिल्लाको सुदूर पश्चिममा रहेको बोबाङलाई ५८ औँ खुला दिसामुक्त गाविस घोषणा गरियो । तस्बीर- शान्ति छन्त्याल, बुर्तिवाङ ।

बागलुङ बजारको छहराको पहिरो रोकथाम गर्न भन्दा केहि व्यक्तिहरु दलीय आडमा पहिरो माथी पहिरो थप्दै मोटरबाटो खन्दैछन, जनता बाटो खन्न रोक भनी गुहार माग्दैछन् । तर यो जनरोदन न नगरपालिकाले देख्यो न त प्रशासन प्रहरीले नै सुन्यो । तस्वीर- धौलाश्री ।

बागलुङ जिल्लाका सबै ५९ गाविस र १ नगरपालिका खुला दिसामुक्त घोषित भएका छन् । बैशाख २४ गते बुर्तिवाङ नाँचगानका वीच खुला दिसामुक्त घोषित हुने जिल्लाका अन्तिम गाविस हो । तस्बीर- शान्ति छन्त्याल, बुर्तिवाङ ।

म्याग्देली प्रवासी नेपाली संघ (मोना) बेल्जियमले म्याग्दीको राखु पिप्ले मौवाफाँटमा रहेको ज्ञानोदय माविमा सञ्चालित दृष्टिबिहीन श्रोत कक्षा सञ्चालनका लागि शुक्रबार एक कार्यक्रमका वीच रु ४ लाख सहयोग उपलब्ध गराएको छ । तस्वीर- सन्तोष गौतम, म्याग्दी ।

बेनी बजारमा धौलागिरी प्रथम हिमाल आरोहणको ५३ वर्षगाँठका अवसरमा नेपाल मगर संघ म्याग्दीले निकालेको -याली । तस्बीर- सन्तोष गौतम, म्याग्दी ।

२०७० जेठ २ गते विहान जोमसोम विमानस्थलमा दुर्घनाग्रस्त भएको नेपाल वायुसेवा निगमको 9NABB ट्वीनवटर विमान । विमानमा २१ जना यात्रुहरु सवार थिए जस्मध्य ७ जनाको अवस्था गम्भीर बताईएको छ । तस्विर- आनन्द सुवेदी, एक्याप जोमसोम ।

म्याग्दीलाई राष्ट्रिय राजमार्गसंग जोड्ने मालढुङ्गा–बेनी सडकका धाईरिङ ५ मिलनचोक स्थित लुङ्दीखोलाको अस्थाई पुल भत्किएपछि सडक अवरुद्ध भएको हो । तस्बीर- सन्तोष गौतम, म्याग्दी ।

मालढुङ्गा बेनी सडकको लुङदीखोलामा रहेको अस्थाई मोटरेबल पुल मर्मत गर्दै नेपाली सेनाको ईन्द्रबक्स गणको टोली । सेना, प्रहरी र म्याग्दी उवासंघले शनिबार पुल मर्मत गरेर अवरुद्ध सडक खुलाएका छन् । तस्विर सौजन्य: ईन्द्रबक्स गण, म्याग्दी ।

गल्कोट उपत्यकामा लोभैलाग्दा अति रमणीयस्थलहरु प्रसस्तै छन् । ती मध्य हटिया स्थित निलुवा गाउँपनि एक हो । तस्बीर- बालकृष्ण सुवेदी, गल्कोट ।

बागलुङ कालिका देवीको मन्दिरमा पूजा अराधनाका लागि युवायुवती सदैव भीड लागिरहन्छ । कालिका देवीले श्रद्धालुहरुको मनोकाँक्षा पुरा गरिदिन्छिन भन्ने विश्वास रहिआएको छ । तस्बीर- किरण आचार्य, धौलाश्री ।